ମାଆ ତାରିଣୀ

ମାଆ ଲୋ ମାଆ ମୋର

ମାଆ ତାରିଣୀ

ତୋ ନାଲି ସିନ୍ଦୂର ମଥାମଣି ମୋର

ତୋ ନାଲି ମନ୍ଦାର ଦିଗ ବାରେଣି

ମାଆ ଲୋ ମାଆ ମୋର...

ଖାଲଢିପ ଭରା ମୋ ଜୀବନ ପଥ

ପାଦେପାଦେ ଏଠି ଭରା ବିପଦ

ତୋ ନାଁ କୁ ମାଆ ଜପ କରୁଥିଲେ

ଅବସାଦ ଆଉ କରେନି ବାଦ

ଅମା ଅନ୍ଧକାର ଅପସରି ଯାଏ

ଉଆଁସ ରାତିରେ ଜଳେ ରୋଷଣୀ

ମାଆ ଲୋ ମାଆ ମୋର....

ତୋ ପାଦୁକ ପାଣି ମନ ନିଏ କିଣି

ମନ ପୂରିଯାଏ ତୋ ଗୀତ ଶୁଣି

ବେଳ ଅବେଳରେ ଭରଷା ହୋଇଛୁ

କାଳେକାଳେ ମୁଁ ଲୋ ତୋପାଖେ ଋଣି

ଅଥଳ ଜଳରୁ ପାରି ହେବାପାଇଁ

ତୁ ମୋ ଆହୁଲା ତୁ ତରଣୀ

ମାଆ ଲୋ ମାଆ ମୋର ।