ଲାଇବ୍ରେରୀ
ପ୍ରୋଫାଇଲ୍
ମାଆ ର ମମତା
ମାଆ ର ମମତା
1 min
292
ମୋ ମନର ବ୍ୟଥା ହୃଦୟର କଥା
ଆଖିରୁ ସେ ବୁଝିଯାଏ
ବହୁତ ଦୂରରୁ ଟିକେ କଥା ଶୁଣି
ଲୁହ ସେ ଗଡାଉ ଥାଏ ।(୧)
ଘରେ ଆସିବାକୁ ଅଳିକରି ବସେ
ସାନ ପିଲାଟିଏ ପରି
କେବେ ରାଗିଗଲେ କାନ୍ଦିକାନ୍ଦି କୁହେ
ମୁଁ ଆଉ ବଞ୍ଚିବି ନାହିଁ । (୨)
ତୁମ ଜମି ବାଡ଼ି ଠାକୁର ପୁରାଣ
ଆଜିଠୁ ସମ୍ଭାଳ ସବୁ
ଆମେ ତ ଚାଲିଲୁ ପ୍ରଭୁଙ୍କ ପାଖକୁ
ଦିନ ସରେ ଭାବୁ ଭାବୁ । (୩)
ତାର ସେଇ କଥା ତା' ସ୍ନେହ ମମତା
ଆଜି ଖାଲି ମନେପଡେ
ଦୂର ପ୍ରବାସରେ ତାର କଥା ଭାବି
ନୟନ ଲୁହରେ ପୁରେ ।। (୪)
