ମା'

ଜନମ ପୂର୍ବରୁ ସମ୍ପର୍କ ତା ସାଥେ

ସିଏ ଜନ୍ମଦାତ୍ରୀ ମୋର,

କିଏ ସରି ହେବ ସେନେହକୁ ତାର

ବାନ୍ଧି ସ୍ନେହ ପ୍ରେମ ଡୋର ।

ଉପାସ ରହିପାରେ ସନ୍ତାନ ପାଇଁ

କରି କେତେ ଓଷାବ୍ରତ,

ତାହାରି ସେବାରେ ଜୀବନ ମୋ ଯାଉ

ପଦ ସେବା କରି ନିତ୍ୟ ।

ମାଆ'ର ମମତା ଅଟଇ ଗଭୀର

ଅତୁଳନୀୟ ତା ଶ୍ରଦ୍ଧା,

ଦୁନିଆ ଯାକର ସବୁ ପୁଣ୍ୟ ପରା

ତାହାରି ପାଦରେ ବନ୍ଧା ।

ଲୋଡା ନାହିଁ ମୋର ଯଶ କୀର୍ତ୍ତି ବାନା

ଲୋଡ଼େ ଆଶିଷ ମାଆର,

ପାଖେ ଥିଲେ ସେହି ଡେଇଁ ଯିବି ମୁହିଁ

ସାତ ସିନ୍ଧୁ ଅବା ଦୂର ।

ତାହାରି ଦାନରେ ଗଢା ମୋ ଜୀବନ

ତାହା ପାଇଁ ସବୁ ମୋର,

ଏତିକି ମିନତି କରେ ମୁହିଁ ଆଜି

ନକରିବ କେବେ ଅନ୍ତର ।