ଲୁହ ଆଞ୍ଜୁଳାରେ

ଲୁହ ଆଞ୍ଜୁଳାରେ ଦେଇଦିଅ ମତେ

ସବୁ ପିଇଯିବି ସଖୀ,

ଦୁଃଖ ଦରିଆରେ ତୁମେ ଭାସିଗଲେ

ନିଜେ ହେବି ଭାରି ଦୁଃଖୀ ! ।। ୦ ।।

ଦୁନିଆରୁ ହସ ଚାଲିଯାଇପାରେ

ତୁମେ ମୋ ହସନ୍ତୀ ମିଠା

ପୁଣ୍ୟ ସଉଦାର ହିସାବରେ ସିନା

ତୁମେ ମୋ ଜୀବନ ଚିଠା,

ସ୍ମୃତି ଲେଉଟାଇ ପଢ଼ିଯାଅ ମତେ

ତୁମ ପାଇଁ ଚିର ସୁଖୀ ! ।। ୧ ।।

ଲୁହ ଆଞ୍ଜୁଳାରେ ଦେଇଦିଅ ମତେ

ସବୁ ପିଇଯିବି ସଖୀ..........

ବିରହରେ ଯଦି ହତାଶକୁ ପଡ଼ି

ମନରେ ପାଉଛ ଡର

ମନ ରାଇଜରେ ଚିର ବସନ୍ତର

କେମିତି ତୋଳିବ ଘର ?

ଭାବ ବଇଭବ ବୁଝିନିଅ ପ୍ରିୟା

ହୃଦୟରେ ନାଆଁ ଲେଖି ! ।। ୨ ।।

ଲୁହ ଆଞ୍ଜୁଳାରେ ଦେଇଦିଅ ମତେ

ସବୁ ପିଇଯିବି ସଖୀ..........