ଲୁହର ସଉଦା ଏଠି
ଲୁହର ସଉଦା ଏଠି
1 min
328
ଦୁଇ ବୁନ୍ଦା ଅଶ୍ରୁ
ବୋହି ଯାଏ ଆନନ୍ଦରେ କେବେ
କେବେ ଛାତିର କୋହ
ଲୁହ ହେଇ ବହେ
ବୋହି ବୋହି ଶୁଖିଯାଏ ।
କିନ୍ତୁ ଏ ସମାଜରେ
ହସିବାକୁ ହୁଏ ମିଛରେ
ମିଛ ହସର ବ୍ୟାଧି ଖେଳି ଯାଇଛି କେବେଠୁଁ
ଏଠି ଆଉ କଣ ରାମ ରାଜ୍ୟ ଅଛି ?
ଲୋତକ ଝରାଉଥିବା ଲୋକଟି
ଯେମିତି ବୋକା ବା ବୋକି ଟିଏ
ତୁମ ଲୋହ ଏଠି ସଉଦା ହୁଏ
ସମ୍ବେଦନାର ହାତ ବଢାଇବା ପୂର୍ବରୁ
ମତଲବ ର ଚିଠା ତିଆରି ହୋଇସାରିଥାଏ
ସହଯୋଗର ହାତ ବଢିବ
ସାରା ଦୁନିଆ ଜାଣିବ
ସମାଜ ସେବାର ଡିଣ୍ଡିମ ପିଟି
ବାଃ ବାଃ ନେବେ ବିଭିନ୍ନ ଗଣ ମାଧ୍ୟମରେ
ଏ ଲୁହ ଅମୂଲ୍ୟ
ଝରୁ ହସରେ ଖୁସିରେ
ହୃଦୟର ମୁକ୍ତା ସିଏ
ଝରୁ କେବଳ ଆଉ
କେବଳ ମମତା ପାଇଁ
ନବୁଝିବା ଲୋକ ପାଇଁ କେବେ ନୁହେଁ
କାହିଁକି ନା
ସେ ତାର ହକଦାର ନୁହେଁ ।