ଲଣ୍ଠନ
ଲଣ୍ଠନ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
କାହିଁ ସେଇ ସମୟ
ଯେତେବେଳେ ରାତ୍ରିର
ଘନ ଅନ୍ଧକାର ରେ ମୁଁହ
ଦିଶୁନଥିବା ଦିକି ଦିକି ଲଣ୍ଠନର
କ୍ଷୀଣ ଆଲୋକ ମନ ଓ ସ୍ୱପ୍ନ
ଏକାକାର କରି ନିଜକୁ
ଅନ୍ଧାରି ସ୍ୱପ୍ନ ନିମନ୍ତେ ଆଶାର
ଆଲୋକ ଦେଖାଇ ଥାଏ !
ଲଣ୍ଠନ ତ ହଜି ଗଲାଣି
କିନ୍ତୁ ସ୍ୱପ୍ନ ସେମିତି ରହିଛି
ଜୀବନ୍ତ ପରାୟ ସତେ ଯେପରି
କେଉଁ କାଳରୁ ମୋର ସମସ୍ତ ସ୍ୱପ୍ନ
ମୋତେ ହାତ ଠାରି ନିମନ୍ତ୍ରଣ କରେ
ଲଣ୍ଠନ ଆଉ ସ୍ୱପ୍ନର ଲୁଚକାଳି ଖେଳ
ଭିତରେ ଆଉ କେହି ନ ଆସୁ
କେହି ନ ଜାଣୁ ଆମର ପରିଚୟ
ଆମେ ଦୁହେଁ ପରସ୍ପରର ଅତି ଆପଣାର ।