ଲକ୍ଷ୍ୟପଥ

ହେଉ ଯାତ୍ରା ପଥ ମୋର କଙ୍କରିତ

 ଥାଉ ଢିପ ଅବା ଖାଲ

ଚାଲୁଛି ଚାଲିବି ଆହୁରି ଚାଲିବି

ବାକି ଥାଉ ଯେତେ ଦୂର ।

ସେହିପଥେ ମାଡି କଣ୍ଟା କି ଅରମା

ଝୁଣ୍ଟିଲେ ବି ବାରମ୍ବାର

ପଡିବିନି ଥକି ପାଦେ ବାଜି ପଛେ

ଝରିଲେ ଝରୁ ରୁଧିର

ପାଇବାକୁ ଲକ୍ଷ୍ୟସ୍ଥଳ

ନିଶ୍ଚୟ ମୁଁ ଯିବି ହାରିଯିବିନାହିଁ

ଦୃଢ ଅଛି ମନୋବଳ ।

ଆସୁ ଯେତେ ଝଡ ଯନ୍ତ୍ରଣା ପାହାଡ

ଭ୍ରୁକ୍ଷେପ ତ ନାହିଁ ମୋର

ଟାହିଟାପରାର ଲଙ୍ଘିବି ସାଗର

ଦିଅ ଯେତେ ତିରସ୍କାର ।

ଲକ୍ଷ୍ୟସ୍ଥଳ ମୋର ଅନ୍ଧକାର ଦୂର

ସମାଜରୁ କୁସଂସ୍କାର

ପଥପରେ ରହି ମୋ ରକ୍ତ ସ୍ବାକ୍ଷର

ଦେବ ନିତି ମୋତେ ବଳ

ଚାଲିବାକୁ ନାହିଁ ଡର

ନିଶ୍ଚୟ ମୁଁ ଯିବି ହାରିଯିବିନାହିଁ

ଦୃଢ ଅଛି ମନୋବଳ ।