ଲାଜ ଲାଗୁଛି ମୋତେ

ଲାଜ ଲାଗୁଛି ଲୋ ଦେଖି ଦେଖି ଚକିତ ଲୋ

ନିଆଁ ଗୀଳା ସମାଜ ରେ ସାମାଜିକ ଲୀଳା ଲୋ !

ନାଣ୍ଢୀଆ ଗନ୍ଧିଆ ବଟଆ ହଟିଆ  ଆଜି

ସବୁ ସୁବିଧାକୁ ହାତେଇ ନେଲେଣି ପାଜି ।

ଅଗା, ବଗା, ଖଗା, ଜଗା ଓ ଜଟିଆ ବାବା

ଜଗି, ଜାଗି, ଛକି, ଛକି, ଜନେ କଲେ କାବା ଲୋ  

ପାଜି ମାନେ କରି ନିତି ବହୁ ଧପା ବାଜି

ଫାଜିଲି ଚଲାକି କରି କାଟିଲେଣି ଟେରି ଲୋ ।

ଚୁମୁକି, ଚୁରୁକି ଚୁଇଁ, ଓ ଚିଲୀମ ବାଈ

ଠକି ଭଣ୍ଡି ଧନ ମାନ ନେଉଛନ୍ତି ବୋହି ଲୋ  ।

କାଜି ମାନେ ଗାଜି ଗାଜୀ ପଡିଲେଣି ଥକି

ଖାକି ମାମୁଁ ମାଉଁ ମାଉଁ ଆଜି ବୋବାଉଛି ।

ଭକତ ସକଳେ ଏବେ ଛାଡନ୍ତି ବୋବାଳି

ଛୁଆ ପିଲା ବୁଢ଼ା ଯୁବା ହସ ଖିଲି ଖିଲି ।

ମାତାଲିଆଙ୍କ ମଉଜ କହିଲେ ନ ସରେ

ମାଲ ପାଣି ପିଇ ପିଇ ବେଶିଆ ବିହାରରେ ।

ବିହରି ହରନ୍ତି ଦିବା ନିଶି ହରଷରେ

ହରି ବୋଲ ହରି ବୋଲ କାଳିଶି ଉଚ୍ଚାରେ ।

କଟାସିଆ ଚାହାଣିରେ ଚାହାନ୍ତି ସଭିଏଁ 

କିଟି କିତି କାଇ ଜନ୍ଦା କମିଲେ ଯେମନ୍ତେ । 

କୁଲୁ କୁଲୁ ଲାଗେ ସେହି ପରାଏ ସବୁରି

କଡ୍କଡ଼ିଆ ବାକ୍ୟ ବାଣ ଆସଇ ବାହାରି । 

ବାବା ଲୋ ଗଞ୍ଜଡ଼ା ନନ୍ଦ ଚେଲା ଲୋ ଚିଲୀମା

ଚାଖୁଛନ୍ତି ଦେଖି ଦେଖି ଚିଳିମ ଚୁଚୁମା ।

ଦେଖି ଦେଖି ଜଗତର ଜାଗତିକ ଲୀଳା

ଖଣ୍ଟ ସଠ ମାନେ ଦ୍ୟନ୍ତି ସାଧୁ ଜନେ କିଳା । 

ଆଯାଗା ଘାଆ ଯେ ପାଚି ପୂଜ ପଚ ପାଚ

ପର ଧନ ହରି ନେଲେ କହି ମିଛ ଖଚ ।

ସାହିତ୍ୟ ନାମରେ ଅପସାହିତ୍ୟ ବଢୁଛି

ମାନ ପତ୍ର ପୁରସ୍କାର ବାଇଆ କରିଛି  ।