କୁନ୍ତଳା କୁମାରୀ ସାବତ

କୁନ୍ତଳା କୁମାରୀ ଥିଲେ ପରିଚିତା 

   ଉତ୍କଳ ଭାରତୀ ନାମେ 

ଭାରତୀ ଭୂଷଣ ଉପାଧି ପାଇଲେ 

  ତାଙ୍କ ବହୁମୁଖୀ କାମେ ।

ଛତିଶଗଡ଼ର ଜଗଦଳପୁର 

  ଅଟେ ତାଙ୍କ ଜନ୍ମସ୍ଥାନ 

ଡାନିଏଲ୍ ଆଉ ମୋନିକା ଦେବୀଙ୍କ 

  ଥିଲେ ସେ କନ୍ୟା ସନ୍ତାନ ।

ପେଶାରେ ଡାକ୍ତର ନିଶାରେ ଲେଖିକା 

  ଥିଲେ ସେ ସମାଜସେବୀ 

ବିଧବା ବିବାହ ସଶକ୍ତିକରଣେ 

  ଧନ୍ୟ ସେଇ ନାରୀକବି ।

ଓଡ଼ିଆ ଭାଷାର ବିକାଶ ଦିଗରେ 

   ସଦା ଥିଲା ତାଙ୍କ ମନ 

ସେଲାଗି ଗଢ଼ିଲେ ଭାରତୀ ନାମେ ସେ 

   ତପୋବନ ସଂଗଠନ ।

'ନାରୀ ଭାରତୀ' ଓ 'ଜୀବନ' ପତ୍ରିକା 

    କରିଥିଲେ ସମ୍ପାଦନା

ଘୃଣ୍ୟ ଜାତିପ୍ରଥା ଆନ୍ଦୋଳନେ ସିଏ 

   ସାଜି ଥିଲେ ଦୃଢ଼ମନା ।

'ଅଞ୍ଜଳୀ' 'ଉଛ୍ବାସ' 'ଅର୍ଚ୍ଚନା' 'ସ୍ପୁଲିଙ୍ଗ'

   ଅବା ପ୍ରେମ ଚିନ୍ତାମଣି 

'ଶେଫାଳୀ' 'ଆହ୍ୱାନ' 'ରଘୁ ଅରକ୍ଷିତ'

   ଲେଖିଲେ 'ପରଶମଣି' ।

 'ମଣିକାଞ୍ଚନ' ଓ  'ପୂଜା' 'ତାରାପ୍ରୀତି'  

   'ଚିତ୍ରପଟ୍ଟ' 'କାଳୀବୋହୂ'

'ନଅତୁଣ୍ଡି' 'ଭ୍ରାନ୍ତି' ଅବା 'ଆବାହନ' 

    ରଚିଥିଲେ ସୃଷ୍ଟି ବହୁ ।