କୁହ କି ଲାଭ ପାଇଲ

ମୋ ମଥାର ସିନ୍ଦୂରକୁ ନେଇ 

ତୁମ ଚିତ୍ରପଟରେ ଥାପିଲ

ମୋ ଗଭାର ଗଜରାକୁ ଆଣି 

ତୁମ ଫଟ ସଜାଇଲ 

କୁହ କି ଲାଭ ପାଇଲ l

ଆଞ୍ଜୁଳା ଆଞ୍ଜୁଳା ଲୁହରେ ଯେବେ 

ଭରିଗଲା ମୋର ଅଣ୍ଟି 

ତୁମେ ତାହା ନୀରବେ ଦେଖିଲ l

ସଂସାର ବୋଝରେ ମୁଁ 

ଉବୁଟୁବୁ ହେଲି 

ତୁମେ ଦେଖି ମୁହଁ ଆଡେଇଲ l

ଶୀତତାପ ନିୟନ୍ତ୍ରିତ ଘରେ 

ମୋର ନିଦ ହଜିଗଲା 

ତୁମେ କିନ୍ତୁ ନିଶ୍ଚିନ୍ତେ ଶୋଇଲ l

ଦିଗନ୍ତ ଦିଗନ୍ତ ବ୍ୟାପୀ 

ସ୍ମୃତିରେ ମୁଁ ଯେବେ ମଜ୍ଜିଗଲି 

ତୁମେ ତାହା ପାଶୋରି ବସିଲ l

ସବୁ ଖୁସି ଛଡାଇଲ ମୋ ମନୁ 

ତୁମେ ଦେଖି ମୁରୁକି ହସିଲ l

ଦୁନିଆ ଦାଣ୍ଡରେ ହେଲି 

ଅଲୋଡା, ଅଖୋଜା ମୁହିଁ 

ତୁମେ ଦେଖି ମୁହଁ ଲୁଚ଼ାଇଲ l

ଭାବିଥିଲି ତୁମର ସେ 

ନିର୍ମଳ ଓ ସହୃଦୟ ମୂର୍ତ୍ତି 

ତୁମେ କିନ୍ତୁ ସ୍ୱାର୍ଥପର ହେଲ l

କଥା ଦେଇଥିଲ ଦିନେ 

ଜନ୍ମ ଜନ୍ନାନ୍ତରର ସାଥି ହେବ ବୋଲି 

ତୁମେ କିନ୍ତୁ ପଳାତକ ସାଜିଲ l