କୁହ ଗଣତନ୍ତ୍ର
କୁହ ଗଣତନ୍ତ୍ର
ଗଣତନ୍ତ୍ର ଆଜି ରଣତନ୍ତ୍ର ଏଠି
ଚାଷୀ ମାଗେ ଅଧିକାର
ଉଦର ସଂଗ୍ରାମେ ଜନତା ପ୍ରବାସୀ
ଭ୍ରମେ ଦୂର ଦୂରାନ୍ତର
ଅଯୋଗ୍ୟ ଶାସକ ମୁକ ସାର୍ବଭୌମ
ଶକୁନିର ରାଜନୀତି
ପାଣ୍ଡିତ୍ଯ ଲୁଚିଛି ଶଠ ଆଢୁଆଳେ
ହଜେଇ ଆପଣା ସଂସ୍କୃତି ।
ଚଉଦିଗେ ନ୍ୟସ୍ତସ୍ବାର୍ଥ ଭ୍ରଷ୍ଟାଚାରୀ
ଅବଳାର ଆର୍ତ୍ତନାଦ
ଗରିବ ଯନ୍ତ୍ରଣା ଅସହ୍ୟ ହୋଇଛି
କର ଭାର ସାଜେ ବାଦ
ଶିକ୍ଷା-ଦିକ୍ଷା ବନ୍ଧା ଆପଣା ସ୍ବାର୍ଥେ
ହିଂସାଭାବ ଅଙ୍ଗିକାର
ସ୍ବାଧିନ ସୂରୁଯ ପରାଗ ରେଣୁରେ
କି ଲାଭ ଗଣତନ୍ତ୍ରର !
ଶିକ୍ଷିତର ମୁଖେ ମୋ'ଭାଷା ଜନନୀ
ବନ୍ଦୀନି ସାଜିଛି ଆଜି
କେମିତି ବନ୍ଦିବି କୁହ ଗଣତନ୍ତ୍ର !
କଷେଣେ ହୃଦୟ ଭାଜି ।