କଥା ଦିଅ

କଥା ଦିଅ ପୁଣିଥରେ ଦେଖା ହେବ ବୋଲି

କଥା ଦିଅ ଦେଖାହେଲେ ହସିଦେଵ ବୋଲି

ପୁଣିଥରେ ଭିଜିବି ତୁମ ହସ ଧାରାରେ

ହଜାଇବି ନିଜକୁ

ତୁମ ଆଖିର ସେ ଅତଳ ଗଭୀରତାରେ

ନା ଥିବ କିଛି ପାଇବାର ଆଶା

ନା ଥିବ ହରାଇବାର ଦୁଃଖ

କୋହ ଅସୁମାରୀ,ଦିଗନ୍ତ ପ୍ରସାରୀ

ପ୍ରଶ୍ନ ବି ଅନେକ ,କହିବକି ସବୁ ବିସ୍ତାରି

ଖୋଲା ବହି ପରି ମୁକ୍ତ ହୁଅ ପ୍ରିୟ

ବାସ୍ତବ ନା ଇଏ ଅଭିନୟ

ପାଷାଣୀ ପରି ମୁଁ ଚାହିଁ ଯେ ରହିଛି

ଝରାଇ ପାରୁନି ଲୁହ

ଭୟ ରହିଛିକି ଖୋଲିଦେଲେ କାଳେ

ମୁଁ ଦେବି ଲୁହ ଝରାଇ

କଥା ଦେଲି ପ୍ରିୟ,ଝରିବନି ଲୁହ

ବାସ୍ତବକୁ ମୁଁ ନେବି କୋଳେଇ

ଯଦି ଏତେ ଭୟ

କାହିଁ କରିଥିଲ ମୋତେ ପ୍ରେମରେ ବନ୍ଦୀ

ଆଜି ମୁଁ ବନ୍ଦିନୀ ଲୋଡ଼ା ନାହିଁ ସେ ଗଗନର ସୁଖ

ଲୋଡ଼ା ନାହିଁ ମୋର ମୁକ୍ତି

କଥା ଦିଅ ପୁଣି ଥରେ ଦେଖା ହେବ ବୋଲି

କଥା ଦିଅ ଦେଖା ହେଲେ ହସି ଦେଵ ବୋଲି ।