ତୁମ ପାଇଁ

ବୟସ ବଢୁଛି ଜୀବନ ସରୁଛି

ତା ସାଥେ ଗାଢା ହେଉଛି ଏ ପ୍ରେମ।

କରିଛି ତାକୁ ମୋ ଚନ୍ଦନ ବିନ୍ଦୁ

ଯାହାକୁ ଲୋକେ ଦେଲେ କଳଙ୍କ ର ନାମ।

ତୁମରି ପାଖରେ ହଜିଥିଲା ମୋ ତନୁ ମନ

ନିଶ୍ୱାସ ବି ଆଜି ପଚାରି ବୁଝୁଛି ଏ ପ୍ରତାରଣା ନା ପ୍ରେମ।

କିପରି ଦେବି ଯେ ସେ ଉତ୍ତର

ଏ ସମ୍ପର୍କ ତ ବେସୁରା ବେନାମ।

ତୁମ ପାଦ ଚିହ୍ନେ ପାଦ ଥାପି ଚାଲିବାକୁ ତ ଇଛା ଥିଲା

ସମୟ କି ବଇରି ହୋଇ ସବୁକିଛି ଚୋରାଇ ନେଲା।

ଜୀବନ ଆକାଶେ ବେଳ ରତ ରତ ଆସିଛି ମେଲାଣି ବେଳା

ଅମା ପକ୍ଷରେ ଯେହ୍ନେ ହ୍ରାସପାଏ ଚନ୍ଦ୍ରକଳା।

ଜୀବନ ସଂଧ୍ୟାରେ ଆଶା ଯେ କେବଳ ତୁମ ଓଠ ଧାରେ ହସ

ସେହି ହେବ ମୋର ମୁକ୍ତିର ପଥ ଅପେକ୍ଷା ରତ ମୋ ପ୍ରଶ୍ୱାସ।