କର୍ତ୍ତବ୍ୟ
କର୍ତ୍ତବ୍ୟ
ଏଇଟା ମୋର କାମ ନୁହେଁ
କହି କହି ଦେଇଛି ବୁଜି
ମୋହର ଦୁଇଟି ଯାକ ଆଖି
ଆନର ଦୁଃଖ କଷ୍ଟ ଯନ୍ତ୍ରଣା
ଅବା ଦେଶର ଦୁର୍ଦ୍ଦଶା
କାହିଁ ବା ହେବି ମୁଁ ବିଚଳିତ
ଏଇ ତ ମୋର କାମ ନୁହେଁ
କାହିଁ ବା କରିବି ଏଥିପାଇଁ ଚିନ୍ତା
ଯାଉ ଭାସି ଏଇ ଦେଶ
ମୋର ବା ଯାଏ କଣ
ଆପେ ବଞ୍ଚିଲେ ତ ବାପର ନାଁ ।
ଏମିତି ଯଦି ଭାବିବା ସମସ୍ତେ
ତେବେ ଆପଣା ସମସ୍ଯାରେ
କିଏ ଅବା କାହିଁ ଆମ୍ଭକୁ
ବଢାଇବ ଆକୁଣ୍ଠ ଚିତ୍ତେ
ସାହାଯ୍ଯ ସହଯୋଗର ହାତ
ଦେଶ ତ ଗଢା ହୁଏ
ଆମ ପରି ସାଧାରଣ
ମଣିଷମାନଙ୍କୁ ନେଇ
ଆମେ ଯଦି କରିବାନି
ନିଜର କର୍ତ୍ତବ୍ୟ ସମ୍ପାଦନ
ତେବେ କାହଁକି ସାବ୍ୟସ୍ତ
କରିବା ନାଗରିକ ଅଧିକାର ।
କର୍ତ୍ତବ୍ୟ ଓ ଅଧିକାର
ପରସ୍ପରର ପରିପୁରକ
ଏକଇ ଆନଠୁ ନୁହଁଇ ଭିନ୍ନ
ଅଧିକାର ସାବ୍ୟସ୍ତ କରିବା
ପୂର୍ବରୁ ଚିନ୍ତା କରି ଦେଖ
ଥରେ ଆପଣାର କର୍ତ୍ତବ୍ୟ
ସଠିକ୍ ଭାବେ ସମ୍ପାଦନ
କରିଛୁ କି ନାହିଁ
ତେବେ ଯାଇ ହେବ
ଆମର ଭାରତ ଦେଶ ସମୃଦ୍ଧ ।
କର୍ତ୍ତବ୍ୟ ସମ୍ପାଦନ କରିବା ହିଁ
ଦେଶର ପ୍ରଗତିର ମୂଳମନ୍ତ୍ର
କେବଳ ଶିକ୍ଷିତ ହୋଇବା
ଆମ ଲାଗି ନୁହଁଇ ଯଥେଷ୍ଟ
କର୍ତ୍ତବ୍ୟ ପରାୟଣ ହେଲେ
ନିଶ୍ଚେ ହଟିବ ଦୂର୍ଗତି
ବିରାଜିବ ଅଖଣ୍ଡ ପ୍ରଶାନ୍ତି ।