କରୋନାକୁ କରିବା କଟି
କରୋନାକୁ କରିବା କଟି
କରୋନା କରୋନା ଚହଳ ପଡିଛି
ଏ ବିଶ୍ୱଦରବାରେ ଆଜି
ଘରୁ ବାହାରକୁ ବାହାରନି ବନ୍ଧୁ
ପ୍ରଭୁ ନାମ ରସେ ଯାଅ ମଜ୍ଜି।
ଜୀବନ ଅଛିତ ଆସିବ ମୃତ୍ୟୁ
ଏହାଯେ ନିରାଟ ସତ
ତଥାପି ଆମକୁ ଚାଲିବାକୁ ଅଛି
ଆଗକୁ ଅନେକ ପଥ ।
ଜନ ସଚେତନ କରାଇବା ଆମେ
ସଭିଙ୍କୁ ଦେବା ବାରତା
ନିଜ ଜୀବନର ରକ୍ଷକ ସାଜିବା
ମାନି ସରକାର କଥା ।
ବଡଙ୍କୁ ଦେଖିଲେ ମଥାନତ କରି
ପ୍ରଣାମ କୁ ଆପଣାଇ
ବ୍ୟବଧାନ ରଖି କଥା ହେବା ଯଦି
ସଂକ୍ରମଣ ଯିବ ଦୂରେଇ ।
କରିବାନି ଭୟ ହେବାନି ଅଥୟ
ମନୋବଳ ଦୃଢ଼ କରିବା
ବାହାରକୁ ଗଲେ ମାସ୍କ ପିନ୍ଧିବା
ଫେରିଲେ ହାତ ଧୋଇବା ।
ଏକତ୍ରିତ ଆମେ ହୋଇବାନି ବନ୍ଧୁ
କରିବାନି ଗୁଲି ଖଟି
ସଚେତନତା ର ବାର୍ତ୍ତା କୁ ବାଣ୍ଟିବା
କରୋନା ସହ କରିବା କଟି ।