କରୋନା

ଘର ଠୁ ବାହାର ସବୁଠାରେ ଡର

ଅବସାଦ କରେ ବାଦ

ଅକାଳ ହୁଅଇ ସଭିଙ୍କୁତ କାଳ

ଆଖିରୁ ହଜଇ ନିଦ ।

ପ୍ରଥମ ଲହର ବୟସ୍କ ଙ୍କୁ ଗଲା

ଅନେକ ଯାତନା ଦେଇ

କଞ୍ଚା ବୟସକୁ ଦ୍ବିତୀୟ ଲହର

ପାରୁନାହିଁ ଜମା ସହି

ତୃତୀୟ ଆସୁଛି ଚିନ୍ତା ବଢାଉଛି

ଛୁଆଙ୍କ ପାଇଁ ବିପଦ

ଆଖିରୁ ହଜଇ ନିଦ ।

ହାତକୁ ଧୋଇବା ମାକ୍ସ ପିନ୍ଧିବା

ମାନିବାରେ କଟକଣା

କରିବାନି କାହିଁ ଗହଳି କେଉଁଠି

ହେବାନାହିଁ ଆନମନା

ତୁଚ୍ଛାଟାରେ ଜମା ବାହାରକୁ କେହି

କାଢିବା ନାହିଁରେ ପାଦ

ଆଖିରୁ ହଜଇ ନିଦ ।

ବାହାଘର ବ୍ରତ ଭୋଜିଭାତ ଦେଇ

ରୋଗକୁ ଡାକିବା ନାହିଁ

ନିଜକୁ ରଖିଲେ ଦୂରେଇ ଦୂରେଇ

ରୋଗ ପାରିବନି ଛୁଇଁ

ସୁତୁରା ରହିଲେ ସତର୍କ ରହିଲେ

କପାଳ ହେବନି ମନ୍ଦ

ଆଖିରୁ ହଜଇ ନିଦ ।