କରୋନା ଯୋଦ୍ଧା
କରୋନା ଯୋଦ୍ଧା
ଧରା ପୃଷ୍ଠେ ବିଧି ଖଞ୍ଜି ଦେଲା ବ୍ୟାଧି
ଅସହ୍ୟ ଯନ୍ତ୍ରଣା ଜାତ
ଜୀବନର ଏଠି ମୂଲ୍ୟ କିଛି ନାହିଁ
କେବେ ଜନ୍ମ କେବେ ମୃତ ।
ପ୍ରାଣର ସୁରକ୍ଷା କରିଛି ପ୍ରତୀକ୍ଷା
ସଂଜୀବନୀ ମହୋଷଧି
ଯୋଦ୍ଧା ପ୍ରୟୋଜନ ଅନ୍ୱେଷଣ ପାଇଁ
ବୃକ୍ଷ କିବା ମହୋଦଧି ।
ଯେସନେ ପତଙ୍ଗ ପ୍ରାଣ ତ୍ୟାଗ ପାଇଁ
ଅନଳେ ନକରେ ଭୟ
ସେହି ରୂପେ ଆଜି କର୍ମ ନିୟୋଜନେ
କରୋନାକୁ ଦିଏ ଲୟ ।
ସୀମାରଖି ପରି ଜୀବନ କାନ୍ଥରେ
ସେବିକା ନଜର ଥାଏ
ସୁସ୍ଥ ପରିବେଶ ସୃଷ୍ଟି କରିବାକୁ
ଆପଣା ପ୍ରାଣକୁ ଦିଏ ।
ପ୍ରତ୍ୟେକ ମନୁଷ୍ୟ ସଂଘର୍ଷ କରଇ
ଭୂତାଣୁ ସଂକଟ ବୋହି
ଏମନ୍ତ ସମୟେ ଯିଏ ଛାୟା ଦିଏ
ଯୋଦ୍ଧାରେ ଗଣିତା ସେହି ।