କରୋନା ଓ ବିଚଳିତ ଜୀବନ

କିପରି ଆସିଲା କେଉଁଠୁ ଆସିଲା

ଅଦୃଶ୍ୟେ ଆସିଲା ଏହୁ,

କରୋନାର ନାମେ ବିଖ୍ୟାତ ଟି ହେଲା

ଅଥୟ କରିଲା ଏହୁ ।

ଚତୁର ପାର୍ଶ୍ବରେ ତାଣ୍ଡବ କରିଲା

ଭୟଭୀତ ହେଲେ ଜନେ,

ହାହାକାର ରାବ୍ ଗୁଞ୍ଜନ କରିଲା

ରୋଦନ କଲେଟି ଜନେ ।

ନ ଛାଡିଲା କାରେ ଗାଆଁ ସହରକୁ

ପୀଡ଼ିତ ହେଲେଟି ଜନେ,

ଅମ୍ଳଜାନର ଭି ନିଅଁଟ ଟି ହେଲା

ବିଚଳିତ ହେଲେ ଜନେ ।

ମଲେ ମାଳମାଳ ଏହାରି କାରଣୁ

ଚିନ୍ତା ମଗ୍ନ ହେଲା ଦେଶ,

ଚିନ୍ତିତ ଟି ହେଲେ ସରକାର ମଧ୍ୟ

କର୍ମପଥେ ହେଲା ଦେଶ ।

ଆତ୍ମନିର୍ଭରଟି ମନ୍ତ୍ର ହେଲା ଦେଶେ

ଆତ୍ମବିଶ୍ବାସରେ ଭରି,

ଅଦୃଶ୍ୟ ରୋଗର ଆବିଷ୍କାର ଟିକା

ଜନେ ହେଲା କାର୍ଯ୍ୟକାରୀ ।

ମାସ୍କ ପିନ୍ଧିବା ଟି ଆବଶ୍ୟକ ହେଲା

ରଖିବାକୁ ହେଲା ଦୂରୀ

ସାବୁନରେ ହାତ ଧୋଇବାକୁ ହେଲା

ବାରମ୍ବାର ସେ ଜରୁରୀ ।

ଅମ୍ଳଜାନ ପାଇଁ ନିଅଁଟ ହିଁ ନାହିଁ

ଆତ୍ମନିର୍ଭରଟି ହେଲା,

ଅଦୃଶ୍ୟ ରୋଗର ସବୁ ଉପଚାର

ପୂର୍ଣ୍ଣ ଦେଶ ମଧ୍ୟେ ହେଲା ।

ଡ଼ର ନାହିଁ ଆଉ ଅଦୃଶ୍ୟ ରୋଗର

ଟିକା ଲାଗେ ଜନଜନ,

ସ୍ବଦେଶୀ ଟିକାଟି ସଞ୍ଜିବନୀ ହେଲା

ନୀରୋଗ କରେଟି ଜନ ।

ପ୍ରଭୁ ଜଗନ୍ନାଥ ସୁଦୟା କରିଲେ

ଆତ୍ମନିର୍ଭରଟି ଦେଶ,

ଆବଶ୍ୟକ ନିଜ ପୂରଣ ହେଉଛି

ଶକ୍ତିଶାଳୀ ହେଲା ଦେଶ ।

କିପରି ଆସିଲା କେଉଁଠୁ ଆସିଲା

ଅଦୃଶ୍ୟେ ଆସିଲା ଏହୁ,

କରୋନାର ନାମେ ବିଖ୍ୟାତ ଟି ହେଲା

ଅଥୟ କରିଲା ଏହୁ ।