କରୋନା ଓ ବିଚଳିତ ଜୀବନ
କରୋନା ଓ ବିଚଳିତ ଜୀବନ
ଭୟଙ୍କର ବେଗେ କରୋନା ଆସିଛି
ନୂଆ ନୂଆ ବେଶ ଧରି
ଦିନକୁ ଦିନ ସେ କାୟା ବଢ଼ାଉଛି
ପୃଥିବୀ ଯାଉଚି ଡରି ।
ପାଚିଲା କଞ୍ଚା ଯେ କିଛି ସେ ବୁଝୁନି
ସଭିଙ୍କୁ ଆଣୁଛି ଭିଡ଼ି
ଦଫା ଦଫାରେ ଯେ ଅନେକ ଜୀବନ
ଅକାଳରେ ଗଲା ଝଡ଼ି ।
ଆମ ରାଇଜର ଅନେକ ଜିଲ୍ଲାରେ
ବଢ଼ାଇ ଦେଇଛି କାୟା
ଗାଆଁ ଗଣ୍ଡା ଠାରୁ ସହର ବଜାର
କରୁନି କାହାକୁ ଦୟା ।
ରୋଜଗାର ପନ୍ଥା ବନ୍ଦ ହେଲାଣି
ବଢ଼ୁଚି ବଜାର ଦର
ଗରିବ ଲୋକଙ୍କୁ ଦାନା ମିଳୁ ନାହିଁ
ହେଉଛନ୍ତି ହରବର ।
ଜୀବନ ଜୀବିକା ଉପରେ ପ୍ରଭାବ
କରୋନା ପକେଇଦେଲା
ମହରଗୁ ଆସି କାନ୍ତାର ମାଡ଼ରେ
ଗରିବଟା ଝୁରି ମଲା।