କରୋନା ଭାଇରସ୍
କରୋନା ଭାଇରସ୍
କରୋନା ଭାଇରସ୍ ଆତଙ୍କ ଖେଳାଇ
ଚୀନ୍ ରୁ ବିଶ୍ବକୁ ବ୍ୟାପୁଛି
ସାବଧାନ ହୁଅ ବିଶ୍ବବାସୀ ସର୍ବେ
ମୃତ୍ୟୁର ଡାକରା ଆସୁଛି
ଚୀନର ପଡୋଶୀ ଆମ ଭାରତ
ନୁହେଁ ସିଏ ବେଶୀ ଦୂର
ସତର୍କ ନ ହେଲେ ନିମିଷକେ ମାତ୍ର
ସର୍ବେ ହେବା ଛାରଖାର
ସଂକ୍ରମିତ ହୁଏ ଏହି ଭାଇରସ
ବ୍ୟାପିଥାଏ ଅତିଶୀଘ୍ର
ଚିହ୍ନଟ ମାତ୍ରକେ ଚିକିତ୍ସା ନ କଲେ
ନେଇଥାଏ ସ୍ବର୍ଗ ପୁର
ନେଲାଣି ଜୀବନ ଶହସ୍ରାଧିକ
ଆଉ ବି ସେ ନେଇ ପାରେ
ବେଳ ଥାଉ ଯଦି ନ ହେବା ସତର୍କ
ଭେଟ ହେବା ଯମପୁରେ
ଖାଇବା ପୂର୍ବରୁ ଭଲ ଭାବରେ
ସାବୁନରେ ହାତ ଧୋଇବା
ସାତ୍ତ୍ଵିକ ଆହାର ଭୋଜନ କରିବା
ଆଇଁଷ ବର୍ଜନ କରିବା
ବାୟୁ ଦ୍ବାରା ପୁଣି ବ୍ୟାପିଥାଏ ବୋଲି
କହନ୍ତି ଡାକ୍ତର ଗଣ
ମାସ୍କ ପିନ୍ଧି ସର୍ବେ ବାହାରିବା ଘରୁ
ମନେରଖ ବନ୍ଧୁ ଗଣ
ନିଃଶ୍ବାସ ପ୍ରଶ୍ବାସ ଆଉ ସଂସ୍ପର୍ଶରେ
ବ୍ୟାପିଥାଏ ରୋଗ ଏଇ
ପଶୁମାନଙ୍କଠୁ ମଣିଷମାନଙ୍କୁ
ସଂକ୍ରମିତ ହୁଏ ଭାଇ
ମଣିଷ ଜୀବନ ଅଟଇ ଦୁର୍ଲଭ
ମିଲିଥାଏ ପୂଣ୍ଯ ବଳେ
ଯୋଗାସନ ସାଥେ ପ୍ରାଣାୟାମ କରି
ସୁସ୍ଥ ରୁହ କାଳେ କାଳେ
ଭୟଙ୍କର ଇଏ କରୋନା ଭାଇରସ୍
ମାଡି ଆସୁଅଛି ଆଜି
ପାରିବାନି ଦେହ ଦୁର୍ବଳ ରହିଲେ
ପାରିବାନି ଆମେ ଜୁଝି