କର୍ମଫଳ
କର୍ମଫଳ
ବିଧିର ବିଧାନ ରହିଛି ସମାନ
ପାପ ପୁଣ୍ୟ ଭାଗ ହୋଇ ,
ଜୀବନ ନେଇକି ଜୀବନ ରଖୁଛି
ସ୍ଵାର୍ଥପର ପ୍ରାଣୀ ସେହି ।।
ମାଟିର ଶରୀର ମାଟିରେ ମିଶିବ
କପାଳେ ହୋଇଛି ଲେଖା ,
କୁ-କର୍ମ କରିଲେ ନର୍କରେ ପଡ଼ିବ
ସୁ-କର୍ମେ ସ୍ବର୍ଗରେ ଦେଖା ।।
ମିଛ ମୋହ ମାୟା ସଂସାର ଏହିଯେ
ସଭିଏଁ ତାହାର ଦାସ ,
କର୍ମର ହାତରେ ପାପ ପୁଣ୍ୟ ଡ଼ୋର
ଭୋଗିବ କର୍ମ ଆୟୁଷ ।।
ଜୀବନ କରୁଛି ଉତ୍କଟ ଚିତ୍କାର
ମୁକ୍ତି କୁ ଛୁଇଁବା ପାଇଁ ,
ନିଜ କର୍ମଫଳ ନିଜେ ସେ ଭୋଗୁଛି
ହିସାବ କରେ ଗୋସାଇଁ ।।
ମୁକ୍ତିର ପଥରେ ପ୍ରହରୀ ସାଜିଛି
କୃତକର୍ମ ଫଳ ତୋର ,
ପ୍ରଭୁ ପାଦତଳେ ନିଜକୁ ରଖିଲେ
ବଢ଼ଇ ଜୀବନ ଡ଼ୋର ।।