କରିଯିବି ଆନହିତ

ଯେତେ ବାଧାବିଘ୍ନ ଆସୁ ଏ ଜୀବନେ

ହାରିଯିବି ନାହିଁ ତିଳେ 

ବୁଝିଛି ଧରାରେ ମାନବ ଜନମ

ବହୁ ପୁଣ୍ୟ ବଳେ ମିଳେ ।

ଭଲକାମ କିଛି କରିବାକୁ ଗଲେ

ଉପୁଜେ ଅନେକ ବାଧା 

କଷ୍ଟ କଲେ ଯାଇ ମିଳନ୍ତି ଶ୍ରୀକୃଷ୍ଣ

ଭୁଲିଯିବି ନାହିଁ କଦା ।

ସ୍ନେହ ପ୍ରେମ ଦୟା କରୁଣା ମମତା

ମାନବ ଅନ୍ତରେ ଭରି 

ଏ ସୃଷ୍ଟି ମଧ୍ୟରେ ଶ୍ରେଷ୍ଠ ଜୀଵ ରୂପେ

ଜନ୍ମ ଦେଇଛନ୍ତି ହରି ।

ହେଜି ଏହା ଚିତ୍ତେ ଯେତେ ପାରେ ସେତେ

କରିଯିବି ଆନ ହିତ 

ହସି ହସାଇବି ନିଇତି ସଭିଙ୍କୁ

ବିଭୁ ପଦେ ରଖି ଚିତ୍ତ ।