କପୋତ ଝୁରୁଛି କପୋତୀକୁ ଆଜି
କପୋତ ଝୁରୁଛି କପୋତୀକୁ ଆଜି
କପୋତ ଝୁରୁଛି କପୋତୀକୁ ଆଜି
ସଜେଇ ଛୋଟିଆ ଘର,
କେଉଁଆଡେ ଉଡି ଯାଇଛି କପୋତୀ
ଭୁଲି କି ପ୍ରେମକୁ ମୋର।।
ଘୁମୁରି କାନ୍ଦଇ ହୃଦୟେ ଝୁରଇ
କେଉଁଠି ହଜିଲା ଖୁସି,
କପୋତ ଝୁରୁଛି ପ୍ରେମକୁ ତାହାର
ଲୁହକୁ ପୋଛୁଚି ବସି।।
ନିଷ୍ଠୁର ସାଜିଲା ହୃଦୟ ଭାଙ୍ଗିଲା
ହୋଇଗଲା ସ୍ୱାର୍ଥପର,
ସୁନା ପଞ୍ଜୁରୀକୁ ଆପଣେଇ ନେଲା
ଭୁଲି କାଠି କୁଟା ଘର।।
ମୂଲ୍ୟହୀନ ଆଜି ପବିତ୍ର ସେ ପ୍ରେମ
ଛଳନା କରିଛି ବଶ,
ହୃଦୟକୁ ଭାଙ୍ଗି ପ୍ରତାରଣା କରି
ଚୋରେଇ ନେଉଛି ହସ।।
ଉଡି ଯାଇଛି ସେ ଦୂର ବିଦେଶକୁ
କରି ତ ପାରୁନି ପର,
ଚାହିଁ ରହିଛି ସେ ଚାତକ ପରିକା
ଫେରିବା ବାଟକୁ ତାର।।