କୋଣାର୍କର ବ୍ୟଥା

ବିନୟ ଭଷୂଣ ପାଣିଗ୍ରାହୀ

ଆମକୁ ଦିଶିଛୁ କୋଣାର୍କର କାନ୍ଥରେ

କେତେ କେତେ କଳାକୃତି ,

ପଥର ଦେହରେ ଜୀବନ ଭରିଛି ,

ଆମର ଓଡିଆ ଜାତି ।

କାଳର କରାଳେ ଲିଭି ତ ଗଲାଣି

ନିହାଣ ମୁନର ଭାଷା ,

ବିଶୁ ମହାରଣା , ବାଳୁତ ଧରମା

ବାରଶ ବେଢଇ ବ୍ୟଥା ।

ଶକତ ନିହାଣ ମୁନେର ଖୋଳିଛି

କଥା ଓ ବ୍ୟଥାର ଚିତ୍ରି ,

ମୁଣ୍ଡ ପାତି ରାଜ - ଆଦେଶ ପାଳିଛି

ପାଣି କରି ଦେଇ ରକ୍ତ ।

କୋଣାର୍କର କାନ୍ଥରେ ପଥର ଛାତିରେ

ରଖିଦେଲେ ଥରେ କାନ ,

ଆଜି ବି ଶୁଭୁଛି ବଢେଇର କାନ୍ଦ

ଥରିଯାଏ ଦେହମନ ।

ଶିଳ୍ପୀ ବେଦନାର ସାକ୍ଷୀ ଯେ ସାଗର

ଭୁଲିନାହିଁ ଆଜିଯାଏ ,

ବାଳ ଧରମାର ଅକୁହା

କାହାଣୀ

ଗରଜି ଗରଜି କହେ ।