କଞ୍ଚାମାଟି ଏଦେହେ ବୋଳିଦିଅ ତୁମ...

କଞ୍ଚାମାଟି ଏ ଦେହ ବୋଳିଦିଅ ତୁମ ହାତର ସେ ଯାଦୁକରି ସ୍ପର୍ଶ ,

ହେ ବିଶ୍ୱ କୁମ୍ଭକାର ତୁମ କାରିଗରୀ ହାତେ ପାଇଯିବି ମୁ ଜୀବନ୍ୟାସ ,

ଶୂନ୍ୟତାରୁ ପୂର୍ଣ୍ଣତା ପାଇବାର ଶେଷ ହେଉ ମୋ ଅବଶୋଷ ,

କୋଟି କୋଟି ଜନ୍ମ ଅପେକ୍ଷାର ହେଇଯାଉ ଆଜି ଅନ୍ତ ।

ହେ ନାରାୟଣ ତୁମେ ଯେ ବିଶ୍ୱ ବ୍ରହ୍ମାଣ୍ଡର କୁମ୍ଭକାର ,

ତୁମ ଅନନ୍ତ ହାତର ଯାଦୁକରି ସ୍ପର୍ଶରେ ମୋ ଜୀବନେ

ବହିଯାଉ ସୁଧାଧାର ,

ହେ ଅଖିଳ ଭୁବନର ଚମତ୍କାରୀ କାରୀଗର ,

ମୋର ଏ ଜନ୍ମ ମୃତ୍ୟୁର ଚକ୍ରକୁ ତୁମ ସାନ୍ନିଧ୍ୟରେ ପୂର୍ଣ୍ଣ କର ।

ହେ କୁମ୍ଭକାର ତୁମେ ଯେ ମୋ ସ୍ରଷ୍ଟା ମୁ ତୁମର ଏକ ଅତି ହୀନ ସୃଷ୍ଟି ,

ତୁମ କୃପାର ଶ୍ରୀ ହସ୍ତ ଟେକି ଦେଇ ଢାଳି ଦିଅ ମୋ ପାଇଁ

ଆଶ୍ରିବାଦର ବୃଷ୍ଟି ,

ନିର୍ଜୀବ ମେଞ୍ଚା କାଦୁଅ ଯେ ମୁଁ ପାଇବି ପ୍ରାଣ ଟିକେ ଦେଲେ ତୁମ ଦୃଷ୍ଟି ,

ତୁମରି ଉତକର୍ଷ ପାଇଁ ଜଗତେ ଶୁଭ କଳସ ହେବି ହେ ମହାବାହୁ

ଭିକ୍ଷା ଦିଅ ଏତିକି ପାଇକି ହେବି ମୁ ସନ୍ତୁଷ୍ଟି ।

ପରିଚୟ ଦିଅ ହେ ମହାବାହୁ ଲଭିବି ମୁ ପୂର୍ଣ୍ଣତା,

ବୁଝିନିଅ ମୋ ହୃଦୟର ଦୁଃଖ ମୋ ଅବ୍ୟକ୍ତ କଥା ,

ହେ ଦୁଃଖହାରୀ ଲିଭେଇ ଦିଅ ମୋ ନିର୍ଜୀବ ସ୍ଥାଣୁତା ,

ବୋଳିଦିଅ ଏ ମାଟି ଦେହେ ତୁମ ଆଶିଷ ଧାରା

ହେ ପରମ ପିତା ହେ ମୋ ସୃଷ୍ଟି ଦାତା ।