Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

ଅଜୟ କୁମାର ବେହେରା

Tragedy


4.3  

ଅଜୟ କୁମାର ବେହେରା

Tragedy


କଳ୍କୀ

କଳ୍କୀ

1 min 80 1 min 80

ଯୁଗେ ଯୁଗେ ହରି ମର୍ତ୍ତ୍ୟେ ଅବତ୍ତରୀ

    ପାପିଙ୍କୁ ବିନାଶ କରି ।

ଧର୍ମ ସଂସ୍ଥାପନେ ଶ୍ରେୟ ଦେଇ ଅଛ

    ଭିନ୍ନ ଭିନ୍ନ ରୂପ ଧରି ।୧।

ତ୍ରେତୟାରେ ରାମ ଦ୍ୱାପରେ ଶ୍ରୀକୃଷ୍ଣ

    ରାବଣ କଂସ ନିମନ୍ତେ ।

କୌଶଲ୍ୟା ଯଶୋଦା ମାତାଙ୍କ କୋଳରେ

    ଜନ୍ମିଥିଲ ଏ ଜଗତେ ।୨।

ବନବାସୀ ହେଲ ପତ୍ନୀ ଭ୍ରାତା ସଂଗେ

    ସୂର୍ଯ୍ୟବଂଶୀ ରଘୁନାଥ ।

ସୀତା ହରଣରେ ରାବଣ ମାରିଲ

   ବାନର ସେନା ସହିତ ।୩।

ଅଷ୍ଟମୀ ତିଥିରେ କଂସ ବନ୍ଦୀଶାଳେ

   ଜନ୍ମିଲ କଳା କହ୍ନେଇ ।

ଗୋପରେ ବଢିଲ ନନ୍ଦ ରାଜା ଘରେ

  ଯଶୋଦା କୋଳରେ ଯାଇ ।୪।

ଗୋପେ ଲୀଳା କରି ଗୋପାଙ୍ଗନା ସଙ୍ଗେ

    ମଥୁରା କଟକେ ଗଲ ।

ଦୁରାଚାରୀ କଂସ ବଂଶ ନାଶ କରି

    ଧର୍ମକୁ ସ୍ଥାପନା କଲ ।୫।

ଏବେ କଳିଯୁଗେ କୋରନା କୋପରେ

    ବିଶ୍ୱ ଆଜି ଥରହର ।

କୋରନା ସହିତ କଳିରେ ରାବଣ

    କରୁଛନ୍ତି ନାରଖାର ।୬।

କଳ୍କୀ ଅବତାର କଳିଯୁଗେ ହୋଇ

   ଧରାକୁ ଓହ୍ଲେଇ ଆସ ।

କଳି ରାକ୍ଷସଙ୍କୁ ବିନାଶ କରିଲେ

  କଳିଯୁଗ ହେବ ଶେଷ ।୭।

ସତ୍ୟ ନ୍ୟାୟ ଧର୍ମ ପ୍ରତିଷ୍ଠା ହୋଇଲେ

    ଆସିଯିବ ସତ୍ୟଯୁଗ ।

କୋରନା ରାବଣ ବିଦା ହୋଇଯିବେ

   ସରିଯିବ ତାଙ୍କ ଭୋଗ ।୮।


Rate this content
Log in

More oriya poem from ଅଜୟ କୁମାର ବେହେରା

Similar oriya poem from Tragedy