Library
Profile
କଳ୍କୀ
କଳ୍କୀ
ଯୁଗେ ଯୁଗେ ହରି ମର୍ତ୍ତ୍ୟେ ଅବତ୍ତରୀ
ପାପିଙ୍କୁ ବିନାଶ କରି ।
ଧର୍ମ ସଂସ୍ଥାପନେ ଶ୍ରେୟ ଦେଇ ଅଛ
ଭିନ୍ନ ଭିନ୍ନ ରୂପ ଧରି ।୧।
ତ୍ରେତୟାରେ ରାମ ଦ୍ୱାପରେ ଶ୍ରୀକୃଷ୍ଣ
ରାବଣ କଂସ ନିମନ୍ତେ ।
କୌଶଲ୍ୟା ଯଶୋଦା ମାତାଙ୍କ କୋଳରେ
ଜନ୍ମିଥିଲ ଏ ଜଗତେ ।୨।
ବନବାସୀ ହେଲ ପତ୍ନୀ ଭ୍ରାତା ସଂଗେ
ସୂର୍ଯ୍ୟବଂଶୀ ରଘୁନାଥ ।
ସୀତା ହରଣରେ ରାବଣ ମାରିଲ
ବାନର ସେନା ସହିତ ।୩।
ଅଷ୍ଟମୀ ତିଥିରେ କଂସ ବନ୍ଦୀଶାଳେ
ଜନ୍ମିଲ କଳା କହ୍ନେଇ ।
ଗୋପରେ ବଢିଲ ନନ୍ଦ ରାଜା ଘରେ
ଯଶୋଦା କୋ
ଳରେ ଯାଇ ।୪।
ଗୋପେ ଲୀଳା କରି ଗୋପାଙ୍ଗନା ସଙ୍ଗେ
ମଥୁରା କଟକେ ଗଲ ।
ଦୁରାଚାରୀ କଂସ ବଂଶ ନାଶ କରି
ଧର୍ମକୁ ସ୍ଥାପନା କଲ ।୫।
ଏବେ କଳିଯୁଗେ କୋରନା କୋପରେ
ବିଶ୍ୱ ଆଜି ଥରହର ।
କୋରନା ସହିତ କଳିରେ ରାବଣ
କରୁଛନ୍ତି ନାରଖାର ।୬।
କଳ୍କୀ ଅବତାର କଳିଯୁଗେ ହୋଇ
ଧରାକୁ ଓହ୍ଲେଇ ଆସ ।
କଳି ରାକ୍ଷସଙ୍କୁ ବିନାଶ କରିଲେ
କଳିଯୁଗ ହେବ ଶେଷ ।୭।
ସତ୍ୟ ନ୍ୟାୟ ଧର୍ମ ପ୍ରତିଷ୍ଠା ହୋଇଲେ
ଆସିଯିବ ସତ୍ୟଯୁଗ ।
କୋରନା ରାବଣ ବିଦା ହୋଇଯିବେ
ସରିଯିବ ତାଙ୍କ ଭୋଗ ।୮।
