କଳିକାର ପ୍ରଶ୍ନ
କଳିକାର ପ୍ରଶ୍ନ
1 min
191
ଅର୍ଦ୍ଧ ପ୍ରଷ୍ଫୁଟିତ କଳିକା ଟିଏ ସେ
ଅସୁମାରୀ ସ୍ୱପ୍ନରେ
ହୃଦୟଟି ତା'ର ଛନ୍ଦା
ପ୍ରଷ୍ଫୁଟିତ ହେବ ବାସ ଭରିଦେବ
ସୁନେଲି ସ୍ୱପ୍ନରେ ହୃଦୟ ବନ୍ଧା।
ହେଲେ,
ଅର୍ଦ୍ଧ ମୁକୁଳିତ ପାଖୁଡା ଟି ତା'ର
ଅଧାରେ ଦେଲାକେ ହାଣି
ସୌନ୍ଦର୍ଯ୍ୟ ର ସମ୍ଭାର ବୁଣିବା ପୂର୍ବରୁ
ପାଖୁଡା ଗୁଡିକ ଗୋଟି ଗୋଟି ହୋଇ
ମାଟିରେ ପଡିଲା ବୁଣି ।
ସ୍ୱପ୍ନ ତା'ଅନେକ ନଭଶ୍ଚୁମ୍ବୀ ଥିଲା
ହେଲେ ଅକାଳେ ପଡିଲା ଝରି
କେଉଁ ବିଟପର କବଳେ ପଡିଲା
ସ୍ୱପ୍ନ ବୁଣିବା ପୂର୍ବରୁ
ସମୟ ତା' ଗଲା ସରି ।
ନିରୀହ କଳିଟି ପଚାରୁଛି ପ୍ରଶ୍ନ
କିଏବା ଉତ୍ତର ଦେବ
କେଉଁ ଦୋଷ ଲାଗି ତା'ର ଏ ଅବସ୍ଥା
ଚଳ ଚଞ୍ଚଳ ଶରୀର ଟି ତା'ର
ହୋଇଗଲା ଆଜି ନିର୍ଜୀବ ?