କ୍ଳାନ୍ତ ଅପରାହ୍ନ

କାଲି ବୋଧେ ଥିଲା

ତୁମ ସହ ମୋ ମିଳନର

ଶେଷ ଦସ୍ତଖତ

ତୁମେ ଆଉ ମୁଁ ହାତ ଧରା ଧରି ହୋଇ

ଚାଲୁଥିଲେ ଜୀବନର ସବୁତକ ବାଟ

ଭିଡ ଭିତରେ ବି l

ଆମେ ଚାଲିଥିଲେ ଦୁହେଁ ସାଙ୍ଗ ହୋଇ

ଦୁଃଖ ସୁଖ ବାଣ୍ଟୁ ଥିଲେ ଦୁହେଁ

ଲୁହ ଲହୁ ପିଇ

କେତେ ଖୁସି ହୋଇ ଆମେ l

ପୋତି ଥିଲେ ଗଛ

ଶାଖା ମେଲି ଠିଆ ହେଲା ପରେ

ଆମେ ଦୁହେଁ ଆଜି ପର୍ଯ୍ୟଟକ

ମୋ ଆଖିରୁ କାଲି ଯେଉଁ l

ଲୁହ ଝରୁ ଥିଲା

ସେତ ଲୁହ ନୁହେଁ ତୁମ ପ୍ରେମର

ଶେଷ ସ୍ପର୍ଶ ଥିଲା

ତମାମ ସ୍ୱପ୍ନ ଆଜି ଆମ ହେଲା ରଫ୍ ଖାତା l

ଟୁକୁଡା ଟୁକୁଡା କରି କଲେ ଭାଗ ବଣ୍ଟା

ଶେଷରେ ବଣ୍ଟା ହେଲା ଆମ ସ୍ନେହ ପ୍ରେମ

ଜୀବନ ପଥଟା ଏବେ ଅଲଗା ଅଲଗା

ଏହା ନୁହେଁ ଯମା ଭ୍ରମ l

ଯନ୍ତ୍ରଣା ପରେ ଯନ୍ତ୍ରଣା ଏବେ

ପାଲଟିଛି ମୋ ହୃଦୟ ର କୋହ

ବୟସର କ୍ଳାନ୍ତ ଅପରାହ୍ନ ରେ

ତୁମଠୁ ଅଲଗା ହୋଇ ତୁଟି ଯାଇଛି ହୃଦୟରୁ

ତୁମ ପ୍ରେମିକା ହେବାର ଅହଂ l