ଲାଇବ୍ରେରୀ
ପ୍ରୋଫାଇଲ୍
କଳା ଶ୍ରୀ ମୁଖ
କଳା ଶ୍ରୀ ମୁଖ
1 min
449
ଦେଖି ଦେଲେ ତୋତେ
କାହିଁକି କେଜାଣି ମୁଁ ହୁଏ ଉଲ୍ଲାସିତ
ମନ ମୋର ହୁଏ ପ୍ରଫୁଲ୍ଲିତ
ଉଡ଼ି ଯାଏ ମନ ପକ୍ଷୀ ତୋହରି ପାଖକୁ
ତୋ ବିନା ସେ ଚାହିଁ ନାହିଁ କାହାକୁ
ରେ କଳା ଶ୍ରୀମୁଖ
ପାଗଳ କରିଛି ମତେ ତୋର ଏ ରୂପ ।
ଚାହିଁ ଦେଲେ ଥରେ
ତୁମ ବାଙ୍କ ଚାହାଣୀରେ
ହାୟ ! ମୁଁ କି ସତେ ମରିଯାଏ
ତୁମ ଚାହାଣି ମନ କିଣି ନେଇ ଯାଏ
କି ରସ ରହିଛି ସେଇ ଚାହାଣିରେ
ଦେଖୁ ଦେଖୁ ମୁଁ ରହିଯାଏ
ରେ କଳା ଶ୍ରୀମୁଖ
ହଜିଗଲି ମୁହିଁ ତୁମ ଚାହାଣୀରେ ।
ଛୁଇଁ ଦେଲେ ଥରେ
ଅପୂର୍ବ ଶିହରଣ ଖେଳି ଯାଏ ମନରେ
ମିଳିଯାଏ ଆତ୍ମାକୁ ଶାନ୍ତି
ସେ ଶାନ୍ତି ରେ ରହିଛି ମୁକ୍ତି
ମୁକ୍ତି ପାଇ ମୁଁ ଯେ ହେବି ତୃପତି
କିଛି ଲୋଡା ନାହିଁ ଧନ ଜନ ପ୍ରାପ୍ତି
ରେ କଳା ଶ୍ରୀମୁଖ
କେବେ କରିବନି ତୁମଠୁ ଦୂର ।
ଶୁଣି ଦେଲେ ଥରେ
ତୋହରି ଭଜନ
ଅସୁମାରୀ ଆନନ୍ଦରେ ମନ ହୁଏ ଉଚ୍ଛନ୍ନ
ମଜିବାକୁ ଚାହେଁ ତୁମରି କୀର୍ତ୍ତନେ
ରହିବାକୁ ଚାହେଁ ସିଏ ତୁମରି ନୟନେ
ରେ କଳା ଶ୍ରୀମୁଖ
କରିବ କି ମତେ ତୁମ ବଂଶୀର ସ୍ୱର ।
