କିଏ ବେଶି ଶକ୍ତିଶାଳୀ

ବନ୍ଧୁକ ଆଉ କଲମ ଭିତରେ 

ଲାଗିଥିଲା ଦିନେ କଳି

କହିଲା ବନ୍ଧୁକ ତୋ ଠାରୁ ବେଶି 

ମୁଁ ପରା ଶକ୍ତିଶାଳୀ ।

କଲମ ବିଚରା ହସି ହସି କହେ 

ନାଇଁ ରେ ସାଙ୍ଗ ନାଇଁ

ଭାରତ ବର୍ଷ ସ୍ୱାଧୀନ ହେଲା 

କେବଳ ମୋରି ପାଇଁ ।

କଲମ କଥା ଶୁଣି ବନ୍ଧୁକ 

କଲା ଖାଲି ଅଟ୍ଟହାସ୍ୟ

ତୁ ଏଡ଼େ ଗଧଟା 

ଆଜି ବି ଖୋଜୁଛୁ ଗାନ୍ଧୀ ଅମଳର 

ପୁରୁଣା ଭାରତ ବର୍ଷ ?

ଗାଁ ବଦଳିଛି ଦେଶ ବଦଳିଛି

ବଦଳିଛି ଜନ ମନ

ଆଜି ର ସମାଜ କରୁଅଛି ଖାଲି

ମୋର ଜୟ ଗାନ ।

ବନ୍ଧୁକ କଥା ଶୁଣି କଲମ

ଦୁଃଖରେ ଗଲା ଝାଉଁଳି

କହିଲ ପିଲେ ତୁମ ମତରେ

କିଏ ବେଶି ଶକ୍ତିଶାଳୀ ???