କିଛି ତ ଅଛି,,,,,,,,,,,,,,,,,,

ମାୟା ମୋହ ଭିତରେ ଜୀବନ ଚାଲିଛି

କର୍ତ୍ତା ଓ କର୍ମ ପରୀକ୍ଷା ଚାଲିଛି

ଜୀବନ ଆରମ୍ଭ ଭୂମାରୁ ଭୂମି ଯାଏଁ

ଜଳଚର ସ୍ଥଳଚର, ମାଟିରୁ ଆକାଶ ସମୁଦ୍ର

କେମିତି ଏସବୁ ସମ୍ଭବ

କିଛି ତ ଅଛି ନିଶ୍ଚୟ

ଏ ମନ ଭାବୁଥାଏ ଯାହା କାଳେ ପ୍ରାପତ ହୁଏ

ଏମିତି କେତେ ଅଙ୍ଗେ ଲିଭା କଥା

ପୁଣି ଅନେକ ଗୌରବ ଗାଥା

କଥାର ମଧୁରତା ଫୁଲର ମହକତା ପକ୍ଷୀର କୁଜ୍ଜନ

ଏସବୁ କଣ ସାଧାରଣ କଥା

କିଏ ନେଇ ଆଣି ଥୋଉଛି ଏ ଗହନ ପ୍ରଥା

କିଛି ତ ଅଛି ବିଶ୍ୱାସ, ନେବାକୁ ନିଶ୍ୱାସ

ପ୍ରାରବ୍ଧ ଅବା ଘଟୁଥିବା ଘଟଣା ସମୂହ

ସାମୁଦ୍ରିକ ଅବା ଜଳ ସ୍ଥଳ ଆକାଶ ପର୍ବତ

ଗୁଞ୍ଜରିତ ଜୀବନ ବାସ୍ତବ ସତ୍ୟ

କିଛି ତ ଅଛି ନିତ୍ୟ ନିୟମିତ

ପୁଣି କେବେ ସମ୍ଭାବନା ସମ୍ପ୍ରମିତ

ଆଦର ସମ୍ମାନ ଗର୍ବ ଗୌରବ ଭିତରେ ବିଖ୍ୟାତ

ନହେଉ ଶତପ୍ରତିଶତ

କିଛି ଅଛି ନିଶ୍ଚୟ ନିଶ୍ଚିନ୍ତ ଏ ଅସାର ସଂସାର ଅନିତ୍ୟ ।