କିଛି ଦାଗ ପ୍ରେମର

 ହସି ଦେଇ ବୋଳିନେଲି ଯାହା

ମୋ ସାରା ଦେହରେ 

ସେ ସାତ ରଙ୍ଗଠୁ ନିଆରା

ଛାତିରେ ଦାଗ ହେଇ ଇନ୍ଦ୍ରଧନୁ ଟାଣେ

କେହି ଅଲାଜୁକି କହିଲେ

ଫିକ୍ କରି ହସେ ,ଲାଜକରେ

ଲୁଚେଇଲେ କୋଉ ଲୁଚେଯେ

ସେ ପରା ପ୍ରେମର ଦାଗ,,

ବୟସର କାନଭାସରେ 

ପ୍ରେମ ଦାଗ ହେଇ ଝୁଲେ

ଅପବାଦ ମିଠା ଲାଗେ 

କହିଦେବାକୁ ଇଚ୍ଛାହୁଏ

ହେଇ ଦେଖ ମୁଠା ମୁଠା ବୋଳିଛି 

ମୋ ଆତ୍ମାରେ ପ୍ରେମର ରଙ୍ଗୋଲି

ତମେ ଧୋଇପାରିବନି ଚେଷ୍ଚାକଲେ

ଏ ପରା ପ୍ରେମର ମିଠା ଦାଗ

ଥରେ ଲାଗିଲେ ଆଉ କି ଛାଡେ ଯେ

ତମେ ମାନ କି ନ ମାନ 

ସ୍ୱୀକାରି ନେଇଛି ଜନ୍ମ ଜନ୍ମାନ୍ତରକୁ

ସ୍ୱର୍ଗୀୟ ପ୍ରେମକୁ,,,,,,,