ପହିଲି ପ୍ରେମ

ହାଏ ଏ ଜହ୍ନ ରାତି

ଲାଗେ ନୂଆ ଯେମିତି

ସିଏ ଆସିଲା ପରେ

ଆଇନାରେ ମୁହଁ ଦେଖି 

ଆଖି ଲାଜକରେ,

ଫୁଲେଇ ଫଗୁଣ କହେ

ପହିଲି ପ୍ରେମର ଛୁଆଁ

ଶିଖେଇଲା ଲାଜ ତୋତେ

ଚାଲୁ ଚାଲୁ ଝୁଣ୍ଟିବୁ କେତେ,

ଓଢଣି ମୋ କହେ ଓଢଣା ହେବ

ମଥାରେ ମୋ ଜହ୍ନ ହସିବ

ଗଭାରେ ଗଜରା ମୋ ହସି ଉଠିବ

ଜାଣିତ ନଥିଲି 

ପ୍ରେମରେ ପଡିଲେ କାଳେ

ଏମିତି ହୁଏ,

ସପନରେ ତା ସହ ନିତି ଭେଟହୁଏ

ସିଏ କହେ କିଛି ଦିନ ଯାଉ ତୋଠୁ ତୋତେ

ଚୋରେଇ ନେବି

ଛାତିତଳ କୋଠରୀରେ ଲୁଚେଇ ରଖିବି,

ବୁଝିଗଲି ପହିଲି ପ୍ରେମରେ

କାଳେ ଏମିତି ହୁଏ

ତା ପାଇଁ ଏଇ ମନ ଝୁରୁଥାଏ ।