Library
Profile
କିଛି ଅକୁହା କଥା
କିଛି ଅକୁହା କଥା
କେତେ ପ୍ରଶ୍ନବାଚୀ ଉଙ୍କିମାରେ ଆଜି
ମନ ଆକାଶରେ ମୋର ;
ଅକୁହା କାହାଣୀ କହିତ ହୁଏନି
ପ୍ରକାଶ୍ୟେ ନୁ6ହଁ ମଞ୍ଜୁର !!
କବି ମନେ ବ୍ୟଥା ରହିଛି ସହସା
ସାଂପ୍ରତିକ ସ୍ଥିତି ଦେଖି ;
ଅନ୍ୟାୟ ଅନୀତି ଅସହ୍ୟ ହେଲାଣି
ଦେଖୁଚି ନିରୀହ ଆଖି !!
ଜନମଙ୍ଗଳର ହିତକାରୀ ଦେଶ
ଦୁର୍ବିସହ ସହ ତା'ର ଚିତ୍ର ;
ରାଜନେତା ଠାରୁ କୁଜିନେତା ଯାଏ
ସଭିଏଁତ ମୋହଗ୍ରସ୍ତ !!
ଦୁଃଖୀ ଦରିଦ୍ରଙ୍କ ସେବାର୍ଥ ହଡ଼ପ
ସାଜିଚିତ. ମହାବ୍ରତ ;
ପ୍ରଶାସନ କଳ. ରାଜନେତା ବଳ
ନଥିପତ୍ରେ ଦସ୍ତଖତ !!
ସମୁଦ୍ରକୁ ଶଙ୍ଖେ ମିଳିଵକି ସତେ
ବନ୍ୟା ବାତ୍ୟା ସହୟତା ;
ରଘୁ ବାମ ଦାମ ତାଲିକା ବନାମ
ଏଇ ବୋଧେ ଜାତୀୟତା !!
ଦୈତ୍ୟ ନଗରୀରେ ବରଷା ପାଣିରେ
ରାଜ ରାସ୍ତା ନାକା ବନ୍ଦୀ ;
ଆବାସ ଭିତରେ ମୀନ ଖେଲିବୁଲେ
ହନ୍ତସନ୍ତ ଗୃହଲକ୍ଷ୍ମୀ !!
ଲଘୁଚାପ ବର୍ଷା କଲାତ ନିଆଶା
ଚାଷବାସ ବୁଡ଼ିଗଲା ;
ଚାଷୀକୁଳ କାନ୍ଦେ ବନ୍ୟା ଉତ୍ପୀଡନେ
ସହୟତା ମୁକାବିଲା !!
ଭିଜା ମାଟି କାନ୍ଥ କେତେ ସମ୍ଭାଳିବ
ତୁହାକୁ ତୁହା ଏବର୍ଷା ;
ବିପଦ ସଙ୍କୁଳେ କେତେ ପରିବାରେ
ବଞ୍ଚିବାରେ ପୁଣି ଆଶା !!
ପ୍ରଧାନ ମନ୍ତ୍ରୀଙ୍କ ଆବାସ ସପନ
ତେଲିଆ ମୁଣ୍ଡରେ ତେଲ ;
ତାଲିକାରେ ନାମ ଥିଲା ଗରିବର
ରାତିଅଧେ କାଟିଦେଲ !!
ପଲିଥିନି ତଳେ ସପରିବାରେ
ବରଷା ଟୋପାରେ ଲୁହ ;
ସବୁଠୁ ଦରୀଦ୍ରା ବିଧବା ଚେମିମାଆ
ହୃଦୟେ ଭରିଛି କୋହ !!
ଆହେ ପ୍ରଶାସନ ସୁବିଚାର କର
ନେତ୍ର ଖୋଲି ଥରେ ଦେଖ;
ଜନକଲ୍ୟାଣର ଡିଣ୍ଡିମ ପିଟୁଛ
ହୃଦୟେ ଦରଦ ରଖ !!
