କିଛି ଅବ୍ୟକ୍ତ....
କିଛି ଅବ୍ୟକ୍ତ....
ମଣିଷ ଜୀବନ ବ୍ୟର୍ଥ ହୋଇଯାଏ
ତୁଣ୍ଡେ ନ ରହିଲେ ପ୍ରଭୁ ନାମ
ପର ଦୁଃଖେ ଯଦି ହୃଦୟ ନ କାନ୍ଦେ
ଧିକ ଅଟେ ସେହି ମାନବ ଜନ୍ମ।
ଜ୍ଞାନ ଥାଇ ଯଦି ଜିଜ୍ଞାସା ନଥାଏ
ସେ ଜ୍ଞାନ ହୁଅଇ ନିରର୍ଥକ
ଧନ ଥାଇ ଯଦି ପ୍ରେମ ଭାଷା ନାହିଁ
ସେ ଧନର କିବା ଆବଶ୍ୟକ ।
ବନ୍ଧୁତାର ହାତ ବଢାଇଲେ ଥରେ
ବିଶ୍ୱାସ ହୁଅଇ ଲୋଡା
ମନରେ ଯଦି ବିଶ୍ୱାସ ନଥାଏ
ସେ ବନ୍ଧୁତା ହୁଅଇ ଅଧାଗଢା ।
ପରମାତ୍ମା ସହ ଆତ୍ମା ମିଶିଗଲେ
ସବୁ କିଛି ଲାଗେ ମିଛ
ମନ ଖୋଜି ବୁଲେ ସେ ଦିବ୍ୟସତ୍ତାକୁ
ଦୁନିଆ ଲାଗଇ ତୁଚ୍ଛ ।