ଖୁସିରେ ରହିବ ସଂସାରେ

ବନ୍ଧୁଟିଏ ଲୋଡ଼ା ଜୀବନ ପଥରେ     

ହସଖୁସି ହେବା ପାଇଁ

ଜୀବନରେ ଯଦି ଭଲ ବନ୍ଧୁ ନାହିଁ

     ଜୀବନର ମାନେ ନାହିଁ ।

ସୁଖରେ ଦୁଃଖରେ ଯିଏ ଛିଡ଼ା ହୁଏ

ସିଏ ହିଁ ପ୍ରକୃତ ବନ୍ଧୁ

ଜୀବନେ ଜୀବନ ଯିଏ ହୋଇଥାଏ

       ସେହିଁ ଜୀବନ ବନ୍ଧୁ ।

ସମ୍ପର୍କରେ ଯିଏ ନିଜ ସ୍ୱାର୍ଥ ଦେଖେ

ତାକୁ ବନ୍ଧୁ କୁହାଯାଏନା

ବନ୍ଧୁ ଯିଏ ସିଏ ଯାହାର ପାଖରେ

      ସ୍ୱାର୍ଥ ବୋଲି କିଛି ରୁହେନା ।

ଭଲ ବନ୍ଧୁଟିଏ ଜୀବନେ ମିଳିଲେ

ଜୀବନ ସରଳ ହୁଏ

ଦୁଃଖ ସମୟ ବି ସୁଖ ହୋଇଯାଏ

      ବନ୍ଧୁ ଯେବେ ପାଖେ ଥାଏ ।

ଭଲ ବନ୍ଧୁଟିଏ ସହଜେ ମିଳିବ

ଯଦି, ନିଜେ ଭଲ ବନ୍ଧୁ ହୋଇବ

ନିଜେ ଯଦି ଭଲ ବନ୍ଧୁ ହୋଇଗଲ

    ଭଲ ବନ୍ଧୁ ଅଭାବ ନ ହୋଇବ ।

ବନ୍ଧୁର ମୂଲ୍ୟ ଯିଏ ବୁଝିଥାଏ

ସେ ହିଁ ପ୍ରକୃତ ବନ୍ଧୁ

ବନ୍ଧୁ ହିଁ ଜୀବନ ବନ୍ଧୁ ହିଁ ସପନ

       ବନ୍ଧୁ ହିଁ କରୁଣା ସିନ୍ଧୁ ।

ଆହେ ମୋର ବନ୍ଧୁ ଭଲ ବନ୍ଧୁ ହୁଅ

ଜୀବନର ରଙ୍ଗ ମଞ୍ଚରେ

ସାରା ଜୀବନେ ପୁଷ୍ପ ବୃଷ୍ଟି ହେବ

     ଖୁସିରେ ରହିବ ସଂସାରେ ।