ଖୁଆଡ଼

ହରିଣ ଛୁଆଟି ଧାଇଁଲା ତା'ର ନାମ ବୁଦ୍ଧିଆ,

ଖାଇବାକୁ ତାକୁ ଜଗିଲେ ବାଘ-ହେଟା-ଗଧିଆ ।

ତାକୁ ବଞ୍ଚେଇଲା ସହରୀ ବାବୁ ଗୋଟିଏ ଘୋଡ଼ା,

ବୁଦ୍ଧିଆ ଦୌଡ଼ି ପାଇଲା ଯଶ ଫୁଲର ତୋଡ଼ା ।

ବଣ ରାଇଜର ବିଲୁଆମାନେ କଲେ ବିଚାର,

ବୁଦ୍ଧିଆ ପାଇଁ ସେ ବିରଞ୍ଚି ନାମ ହୁଏ ପ୍ରଚାର ।

ଆମ ରାଇଜର ବାଘୁଣୀ ଥିଲା ବଡ଼ ଚତୁରୀ,

ସୁଯୋଗ ଉଣ୍ଡି ସେ କାଢିଲା ଅଧିକାର କତୁରୀ ।

ଖୁଆଡ଼କୁ ଗଲା ବୁଦ୍ଧିଆ ମିଛ ତାଲିମ ପାଇଁ ,

ପୂରା ଅଧିକାର ପାଇଲା ନିଜ ନାମ ହଜେଇ ।

ଆମ ରାଇଜରେ ପ୍ରତିଭା ବଞ୍ଚି ରହିବ ନାହିଁ,

କଙ୍କଡ଼ା ପ୍ରବଳ ଟାଣନ୍ତି ଗୋଡ଼ ବଞ୍ଚିବ କାହିଁ ?