ଖରାପ ସପନ
ଖରାପ ସପନ
ଖରାପ ସପନ
ବେଳେ ବେଳେ ଖରାପ ସମୟ
ଉପୁଜିଲେ
ଚିନ୍ତାଗ୍ରସ୍ଥ ମନୁଷ୍ୟର
ନିଦ୍ରା ହଜିଯାଏ
ଯଦି କିଛିକ୍ଷଣ ଆଖି ଲାଗିଯାଏ
ତଥାପି , ନିଦ୍ରାଭଙ୍ଗ ହୋଇଯାଏ
ଖରାପ ସପନରେ
ଭୀତତ୍ରସ୍ଥ ମନ କମ୍ପନ ହୃଦୟରେ
ହାତଦେଇ ବସିଯାଏ
ରାତି ଅଧରେ
ନିଜକୁ ଦେଖିଲେ ଯାହା
ଅନ୍ୟକୁ ଫଳଇ
କୁହନ୍ତି ମା' ମୋର ମନକୁ ବୁଝାଇ
ମଧ୍ୟରାତ୍ର ସ୍ବପ୍ନ କିବା
ହୋଇବ କି ସତ
କାହିଁ ମନ ଉଣାକରୁ ଏତେ ଭୟଭୀତ
ପାହାନ୍ତି ସପନ କାଳେ
ସତ ଯେ ହୁଅଇ
ସଭିଏ କୁହନ୍ତି
ସପନ ବିନା ଜୀବନ କି କେବେ
ସଫଳ ଜୀବନ
ମା'ମୋତେ ବୁଝାନ୍ତି
ଖରାପ ସପନ ଛାଡି ଦେଖେ ସୁକୃତ ସପନ
ନିଶ୍ଚେ ଦିନେ ବାସ୍ତବ ରୂପ ନେବ
କୃପାକଲେ ଭଗବାନ
ଗୀତାରେ ଅଛିଲେଖା
କହନ୍ତି ଶ୍ରୀକୃଷ୍ଣ ଭଗବାନ
କର୍ମଣ୍ୟେ ବାଧିକାରେସ୍ତୁ
ମା ଫଳେଷୁ କଦାଚନ
ଯଦି ବା ସପନ ନହୁଏ ପୂରଣ
କରେ ନାହିଁ ଦୁଃଖ ମନ
ହାରେ ନାହିଁ ସେ ଜଗତରେ କେବେ
ଯଦି କରୁଥାଏ ସଦା ଉଦ୍ୟମ
ଅସ୍ଥିର ମନ ତୋର ହୋଇବ ଯେ ସ୍ଥିର
ସଂଘର୍ଷ ବିନା ଜୀବନ ସଫଳ କି
କେବେ ପଢିଛୁକି ଜୀବନୀ କାହାର