"ଖେଳିବା ମନ ଭରି"

ଦେଖରେ ଦେଖ ପରଜାପତି

ଡେଣାକୁ ଝାଡ଼ି ଝାଡ଼ି

ଫୁଲରୁ ଫୁଲ ପରାଗ ବୁଣେ

ଖୁସିରେ ଉଡି ଉଡି

କାନ୍ଦି କାନ୍ଦିକା ଫୁଲେଇ ଶୀତ

ଗଲାଣି ଏବେ ଲୁଚି

ଫଗୁଣ ଆସେ ବସନ୍ତ ହସେ

ଦାନ୍ତକୁ ଚିପି ଚିପି

ମଳୟ ବାଆ ବହି ଗଲାଣି

ଦେହକୁ ଛୁଇଁ ଛୁଇଁ

ଗଛରେ ଫୁଟି ମଧୁ ମାଳତୀ

ସରମେ ଯାଏ ନଇଁ

ଆସିଲା ଦୋଳ,ଠାକୁର ମେଳ

ଗାଆଁ ମୁଣ୍ଡରେ ଯାତ

ଖେଳିବା ହୋଲି,ରଙ୍ଗ,ଅବିର

ଆସରେ ଆସ ମିତ

କଅଁଳ ଖରା , ହସଇ ଧରା

ନାହିଁ ବରଷା ଛିଟା

ହସ ଖୁସିର ପସରା ମେଲି

କରିବା କିଣା ବିକା

ଛୁଟାଇ ବାସ, ଫୁଲ ମହକ

ମନକୁ ନିଏ ହରି

ବରଷେ ଥରେ ଆସିଛି ହୋଲି

ଖେଳିବା ମନ ଭରି