ଖାଣ୍ଟି ଓଡ଼ିଆ

ଜୟ ଉତ୍କଳ ଜନନୀ

ତୋ ଅଧିନସ୍ଥ ଆମେ ସଭିଏ

ଗର୍ବର ସହ କହୁ "ଆମେ ଓଡ଼ିଆ"

ଖାଣ୍ଟି ଓଡ଼ିଆ 

ତୀର୍ଥ କ୍ଷେତ୍ର ପ୍ରଭୁ ଜଗନ୍ନାଥଙ୍କ ପୁଣ୍ୟ ଭୂମିରେ

ଗାଆଁ ମାଟି ମାତୃଭୂମିରେ

ସାକ୍ଷରତାର ପ୍ରଥମ ଅକ୍ଷର 

"ମା" 

ଆଜ୍ଞା ଚକ ଖଡ଼ିଟିଏ ହାତରେ ଧରାଇ 

ନୂଆ ସିଲଟରେ ଶିଖାଇଥିଲେ ମା ସରସ୍ଵତୀଙ୍କ ପୂଜା ତିଥିରେ

ମା . . . ମା . . . ଘୋଷି ଅଭ୍ୟାସ କରୁ କରୁ

ସ୍କୁଲ ଯିବା ଆରମ୍ଭ

କେବଳ ଗୋଟିଏ ଲକ୍ଷ୍ୟ . . . ପାଠପଢିବା

ଏଇ ଭାଷାର ସାହାରାରେ ଶିଖିଲେ ଜାଣିଲେ

ତା ସିଡିରେ ଚଢି ପୂର୍ଣ୍ଣ ରୂପେ ବିକଶିତ ହୋଇ

ବଡହେଲୁ, ଚାକିରୀ କିମ୍ବା ନିଜ କାନ୍ଧରେ ନିଜ ବେଉସା 

ଓଡ଼ିଶାରେ ଅବା ବାହାରେ

ବ୍ୟସ୍ତତା ଭିତରେ ଯୁଝି ଯୁଝି ଭୁଲିଯାଇନୁ ତ ଆମେ

ସେଇ ଅତୀତର କୋଳକୁ ବଳିଷ୍ଠ କରିବାପାଇଁ

କର୍ତ୍ତବ୍ୟ ରହିଛି ପ୍ରତିଟି ଓଡ଼ିଆବାସୀ, ଆମ ସମସ୍ତଙ୍କର

ସଂକଳ୍ପ କରିବା ଆସ

ପ୍ରତକ୍ଷ୍ୟ ବା ପରୋକ୍ଷ ଭାବରେ କିଛି ତ କରିପାରିବା

ନିଜ ଭାଷା ପାଇଁ, ଜନମମାଟି ପାଇଁ

ଆହ୍ୱାନ

ଟିକିଏ ପ୍ରତିଦାନ !