ଲାଇବ୍ରେରୀ
ପ୍ରୋଫାଇଲ୍
ଖାଲି ପଡ଼ିଅଛି ତୋ ସିଂହ ଦୁଆର
ଖାଲି ପଡ଼ିଅଛି ତୋ ସିଂହ ଦୁଆର
1 min
240
ଖାଲି ପଡ଼ିଅଛି ତୋ ସିଂହ ଦୁଆର
ହେଲେ ଭିଡ଼ ସ୍ୱର୍ଗ ଦ୍ୱାରେ.
ଦୁଃଖ ଦରିଆରେ ଦୁନିଆଁ ଭାସଇ
ଭରିଯାଏ ହାହା କାରେ.
ପ୍ରଭୁ, ତୁମ ହାତ ଗଢ଼ା ସଂସାରେ. l
ଏତେ ସବୁ ଦେଖି ତିଳେ ମାତ୍ର ଦୁଃଖ
ନାହିଁତ ତୁମ ମନରେ.
କେମିତି କେଜାଣି ସବୁ କିଛି ଆଜି
ସହିଯାଅ ନୀରବରେ.
ପଥର ହେଲକି ହେ ଦେବାଧି ଦେବା
ପାପ ଭାରା ଦେଖି ମୌନ ହେଲ ଅବା
ଚାଲି ଗଲ କେଉଁ ଦୂରେ. l
ଭକତ କାନ୍ଦୁଛି ଦୁଆର କିଳୁଛି
ଦେଖୁ ନାହିଁ ତଵ ମୁଖ.
କେମିତି ସହିଛି ହୃଦୟ ତୁମର
ଭକତେ ଦେଇକି ଦୁଃଖ.
କୁହ ପ୍ରଭୁ ତୁମେ ହେ କଳାଠାକୁର
କେବେ ପୁଣି ଥରେ ହସିବ ସଂସାର
ତୁମ କରୁଣା ବୃଷ୍ଟିରେ. l
