କେମିତି ମୋତେ ପ୍ରେମ ନ ହେବ

ଶାଢ଼ି ପିନ୍ଧି ଯେବେ ଲହକା ଅଣ୍ଟାରେ

ଅଟକି ମଟକି ଚାଲିବ ,

ସତ କହିଲ ପ୍ରେୟସୀ ଗୋ ତୁମେ

କିଏ ନ ହୃଦୟ କବାଟ ଖୋଲିବ ।

ଖୋଲା ରଖି ଯେବେ ତୁମ କୃଷ୍ଣ କେଶକୁ

ଘାଇଲା କଲା ଚାହାଣୀରେ ଚାହିଁବ ,

ବିଦ୍ୟାରାଣ ପକାଇ କହିଲ ପ୍ରିୟତମା ଗୋ

କୋଉ ଯୁବକ ଆକର୍ଷିତ ନ ହୋଇବ ।

କୁଞ୍ଚିତ କେଶରେ କୁସୁମକୁ ଖଞ୍ଜି

ଯେବେ ନଇଁ ନଇଁ ଦାଣ୍ଡେ ଚାଲିବ ,

ଆଇନାକୁ ଚାହିଁ କହିଲ ହେ ସଙ୍ଗିନୀ

କୋଉ ପୁରୁଷ ହେ ନିଜ ମନକୁ ସମ୍ଭାଳି ପାରିବ ।

ଗୋଲାପୀ ଗାଲରେ ହଁସର ଆସରାରେ

ଯେବେ ଅଳପେ ଲାଜେଇ ଯିବ ,

ମୋ ଆଖିରେ ଆଖି ମିଶାଇ କହିଲ ପ୍ରିୟା

କେମିତି ମୋତେ ପ୍ରେମ ନ ହେବ ।