ଆମେ ପୁରୁଷ

ନଡ଼ିଆ ଭଳିଆ ବାହାରୁ ଟିକେ ଶକ୍ତ ଆମେ

ହେଲେ ଭିତରଟା ପୁରା ଆମ କୋମଳ

ହଁ ଶାରୀରିକ ଗଠନରେ ପୁରା ଶକ୍ତ ଆମେ

ହେଲେ ହୃଦୟଟା ପୁରା ଆମ ଦୁର୍ବଳ ।

ଲୁହ ବିନ୍ଦୁଟିଏ ବି ଆଖିରୁ ଆମ ଝରିବାକୁ

ହଜାରେ ବାର ଭାବିଥାଏ ,

ଆଉ ଯନ୍ତ୍ରଣା ଥିଲେ ବି ଥରେ କହିବାକୁ

ଓଠ ବାରମ୍ବାର ଅଟକାଉଥାଏ ।

ଆମେ ପୁରୁଷ

ଭୁଲ୍ ନ ଥିଲେ ବି ଭୁଲ୍ ମାନିନେବାକୁ ପଡ଼େ ,

ଆମେ ପୁରୁଷ

ଅଡ଼ୁଆ ଥିଲେ ବି ଏଡଜଷ୍ଟ୍ କରିବାକୁ ପଡ଼େ ।

ଆମେ ପୁରୁଷ

ନିଜର କେହି ମହିଳା ସହ କଥା ହେବାକୁ ବି ଦଶଥର ଭାବୁ ,

ଆମେ ପୁରୁଷ

ଆଉ ଆମେ ବି କେବେ କେବେ ନିଜକୁ ଅସୁରକ୍ଷିତ ଭାବୁ ।