କେମିତି ଲେଖିବି ପ୍ରେମ କବିତା

 

ଏବେ ମୁଁ ଭାବୁଥିଲି 

ଲେଖିବି ଗୋଟେ ପ୍ରେମ କବିତା 

ପ୍ରେମ ମୋ ପଛରେ ପଡିଲା 

ଆପେ ଆସିଗଲା କରୋନା କବିତା। 

ଦୁଃଖରେ ଭାସୁଛି ସାରା ସଂସାର 

ପ୍ରେମ ଫ୍ରେମ ସବୁ ଲାଗୁଛି ଅସାର 

ଆଖିରେ ଝୁଲୁଛି କ୍ରନ୍ଦନ ରୋଳ 

ଚାହିଁ ଲେ ବି ହୋଇ ପାରୁନି ମେଳ। 

ଆପଣା ସଭିଏଁ ଗଲେଣି ଚାଲି 

ଦୁଃଖରେ ଡାକୁଛି ତାଙ୍କୁ ମୁଁ ଭାଳି 

ନିସଙ୍ଗ ଜୀବନ ଆଉ କେତେଦିନ 

ପ୍ରିୟା ପ୍ରୀତି ବିହୁନେ କାଟୁଛି ଦିନ। 

କେମିତି ଲେଖିବି ପ୍ରେମ କବିତା 

ଦୁଃଖରେ ଜଳୁଛି ଜୀବନ ସଳିତା 

ରକ୍ଷା କର ପ୍ରଭୁ ହେ ନାରୟଣ 

ଆକୁଳେ ଡାକୁଛି ମୁଁ ଦିନହୀନ ।