ଲାଇବ୍ରେରୀ
ପ୍ରୋଫାଇଲ୍
କେବେ ଏକା ଏକା ବି ବସିଯାଅ
କେବେ ଏକା ଏକା ବି ବସିଯାଅ
1 min
254
କେବେ ଏକା ଏକା ବି ବସିଯାଅ
ଦେଖ ନଦୀକୁ କେମିତି ବହି ଚାଲିଛି
ଅନୁଭବ କର ଋତୁକୁ
କେମିତି କଡ଼ ଲେଉଟାଉଛି
କେବେ ତ ଥରେ ସ୍ଥିର ହୋଇ ଶୁଣ
ଶୁନଶାନ ରାତିକୁ
କେବେ ତ ଚୁପଚାପ ଶୁଣ
ପକ୍ଷୀ ମାନଙ୍କର କଥାକୁ
କେବେ ଶୁଣିଛ ତମେ ନିଜ ନିଃଶ୍ୱାସର ବଂଶୀକୁ??
ଅଶୁଣା ସାତ ସୁରଟେ କେମିତି ଏକ ସୁରରେ ବାଜି ଚାଲିଛି
ଅନ୍ଧାର ଭିତରେ ବି ଏକ ଆସକ୍ତି ଅଛି
କେବେ କଣ ତମେ ଚାଖିଛ??
ବାଦଲରେ ବିଂଛୁଡ଼ି ହୋଇଥିବା ରଙ୍ଗରେ
କେବେ କଣ କୌଣସି ଚିତ୍ର ବୁଣିଛ??
ଅସ୍ଥିରତାରେ ସମ୍ପୂର୍ଣ୍ଣ ଜୀବନ କାଟିନେଲ
କେବେ ତ ସମ୍ପୂର୍ଣ୍ଣ ଜୀବନ ବଞ୍ଚିଯାଅ
କେବେ ଏକା ଏକା ବି ବସିଯାଅ
କେବେ ଏକା ଏକା ବି ବସିଯାଅ।।
