କବିଟିଏ ହେବା
କବିଟିଏ ହେବା
ଶ୍ରେଷ୍ଠ ଜୀଵ ଅଟେ ନର
ପରିପୂର୍ଣ୍ଣ ସର୍ଵ ଗୁଣର
ବିବେକ ଜ୍ଞାନ ବୁଦ୍ଧିର
ଦୟା ସ୍ନେହ ପ୍ରେମର
ସେବା ଭାବ ପରୋପକାର
ଏହା ତ ମାନବିକତା ।
ଭରି ରହିଛି ଷଡରିପୁ
କାମ, କ୍ରୋଧ, ଲୋଭ, ହିଂସା
ମୋହ, ମଦର
ଥରେ ଗଲେ ଭାସି
ମାନବିକତା ହୁଏ ଦୂର
ସରଳତା ଶୁଦ୍ଧତା ହୁଏ ବିସ୍ମରଣ
ସ୍ଵଭାବ ହୁଅଇ ସେ ପ୍ରକାର
ପ୍ରକାଶ ହୁଏ ହୃଦେ ମଣିଷର
ଏହା ତ ପାଶବିକତା
ଚାଲ କବିଟିଏ ହେବା
ମାନବିକତା ଭାବରେ
ନିଜକୁ ବୁଡାଇ ଦେବା
ସାହିତ୍ୟର ଦାୟୀତ୍ଵ ତୁଲାଇବା
ସୃଜନ କରି ପ୍ରେମ ଆଉ ଶ୍ରଦ୍ଧାର କବିତା
ସଦିଚ୍ଛା ସହୃଦୟତାର ମୂଲ୍ୟବୋଧ ଓ
ଆତ୍ମବିକାଶର ପଥ ଉନ୍ମୁକ୍ତ କରିବା
ବୃହତ୍ତର ସାହିତ୍ୟ ସୃଷ୍ଟି କରି
ଅସୁସ୍ଥ ଅସାମାଜିକତା ବିରୁଦ୍ଧରେ
ପ୍ରକୃତିର ସରଳତା ମାନବିକତାର
ଧ୍ୱଜା ଉଡାଇବା ।