କବିତା ଆଳାପ-09 : ଶିଶୁ :-ଡକ୍ଟର କୃତ୍ତିବାସ ନାୟକ

ଆମେ ଶିଶୁ ଆଜି ଅରୁଣ,

ଆଗାମୀ କାଲିର ତରୁଣ | |(ଘୋଷା)

ପୂରୁବ ଆକାଶେ ସିନ୍ଦୁରା ଫାଟିଛି,

ରକତ କିରଣ ସୁଅ ତ ଛୁଟିଛି |

ଆମରି ଆଭାରେ ଆମରି ଶୋଭାରେ-

ଅନ୍ଧାର ହୋଇବ ହରଣ |

ଆମେ ଶିଶୁ ଆଜି ଅରୁଣ,

ଆଗାମୀ କାଲିର ତରୁଣ | |(1)

ସତ୍ୟରକ୍ଷା ଆମ ଜୀବନର ପଣ,

ମାନବ ଜାତିର କରୁ ଜୟଗାନ |

ନାହିଁ ତ ଆମର ପର ଆପଣାର-

ଆମେ ଅମୃତର ସନ୍ତାନ |

ଆମେ ଶିଶୁ ଆଜି ଅରୁଣ,

ଆଗାମୀ କାଲିର ତରୁଣ |(2)

ଆମରି ହାସରେ ହସିବ ଦୁନିଆ,

ଦୁଃଖ ଆଉ ଶୋକ ହୋଇବେ ଛାନିଆଁ|

ଅସତ୍ୟ ଅନ୍ଧାର ବୁକୁଚିରି ଆମେ-

ଶାନ୍ତିକୁ କରିବୁ ବରଣ |

ଆମେ ଶିଶୁ ଆଜି ଅରୁଣ,

ଆଗାମୀ କାଲିର ତରୁଣ | |(3)