କବିର କବିତା

କବିର କବିତା ପ୍ରେମର ଦୀପରେ 

   ପ୍ରୀତିର ବଳିତାଟିଏ 

ସକାଳେ ସଞ୍ଜରେ ତା ଶୁଭ ମନlସୀ

    ପ୍ରେମିକl ତା ଜlଳୁଥାଏ (୧)

କବିର କବିତା  ଗାଁ ନଈ ଧାରେ

    ସରୁ ଚଲା ବାଟଟିଏ 

ଶିଶିରରେ ଭିଜା  ଦୁବ ଘାସ ପରେ 

   ସାଧବର ବୋହୂଟିଏ (୨)

କବିର କବିତା    ଫଗୁ ଫଗୁଣର 

    ରଙ୍ଗ ବୋଳା ମୁହଁଟିଏ 

ପ୍ରେମିକl ଓଠରେ  ଚେନାଏ ହସର 

    ସୁନ୍ଦର କବିତାଟିଏ (୩)

କବିର କବିତା     ସ୍ମୃତି ସନ୍ତକ 

    ମନର ମାନସୀଟିଏ 

ନିଜଠୁ ନିଜର  ଅତି ଆପଣାର 

  ଅନ୍ତରଙ୍ଗ ବନ୍ଧୁଟିଏ (୪)

କବିର କବିତା   ଗଲା ବସନ୍ତର

     ହୃଦୟ କଥାଟିଏ 

ମନ ତଳ ବ୍ୟଥା  ବୁଝି ପାରୁଥିବା 

     ସପନର ପରୀଟିଏ (୫)