କାଶତଣ୍ଡୀ
କାଶତଣ୍ଡୀ
ଶରତର କାଶତଣ୍ଡି କୋଉଠି ଥାଏ
ଆସେ ପୁଣି ଚାଲିଯାଏ ମାଆ ସହ
ଆକାଶରେ ନିଶ୍ଚୟ ତା ଘର
ବଉଦ ସହରୁ ଆସିଛି ଘୋଡାଇ ଧଳା ଚାଦର
ସକାଳେ ସୁରୁଜ କୋଳେ
ମଧ୍ୟାହ୍ନରେ ବଉଦ ତଳେ ll
ଅପରାହ୍ନେ ସୂର୍ଯ୍ୟ ବୁଡ଼ିଲେ ମାଆ କୋଳେ
ସାୟାହ୍ନେ ତାରା ମେଳେ
ଲୁଚିରହି ଚାହୁଁ ଧରାକୁ ଶରତ ଆସିଲା କାଳେ
ପଧାରିବେ ମାଆ ଧରାକୁ ଯେବେ
କାଶତଣ୍ଡୀ ଯିବି ଦଉଡି ସକାଳେ
ନାଚିବି ଗାଇବି ଶଙ୍ଖ ଧ୍ବନି ତାଳେ ତାଳେ
ଫେରିବି ମାଆ ଫେରିଲା ବେଳେ ll
ଶିଶୁ ପରି ହସି ବଢ଼ାଏ ହାତ
ତୋଳିନିଅ ମାଆ ମତେ କୋଳେ
ମାଆ ପରା ସିଏ ସଭିଙ୍କ ଦୁଃଖ ଗୁହାରି
ଶୁଣିବା ବେଳେ
ନାଚୁ ଦୂରେ ଦୂରେ ନଈ ପଠା ପରେ
ସତେକି କହ୍ନେଇ ଯଶୋଦା ମାଆ ସାଥିରେ
ନାଚେ ଥେଇ ଥେଇ ହୋଇ କି ରାତି ଦିନ କୌତୁହଳେ
ଦିନ ଗଣୁଥାଏ ରାତି ପାହୁଥାଏ ll
ହରିବୋଲ ହୁଳହୁଳି ତାଳେ ତାଳେ
ମଙ୍ଗଳମୟୀ ଜନନୀ ଭସାଣୀ ସାଥେ କାଶତଣ୍ଡୀ
ନଥାଏ ତଳେ, ନଈ କୂଳେ ଅବା
ଚାରଣ ଭୂଇଁ କୋଳେ ll