କହି ହୁଏନାହିଁ

କହି ହୁଏନାହିଁ ସହି ହୁଏନାହିଁ

ଅଭୁଲା ହୃଦୟ ସ୍ମୃତି

ଲାଗଇ ଶବଦ ଯେମିତି ନୀରବ

ଓଠ ତଳେ ହୁଏ ଚାପି ।

ଅଜାଣତେ ମନ ହୁଏ ଛନ୍ନ ଛନ୍ନ

ସ୍ମୃତି ସୁମଧୁର ପୃଷ୍ଠା

ଖୋଲେ ଗୋଟି ଗୋଟି କହେ ଚୁପିଚୁପି

ସାଥି ସ୍ୱ।ର୍ଥପର ଏକା ।

ଆଖିରେ ନାଚଇ ସବୁଜ ସୁନ୍ଦର

ହସହସ ତୁମ ମୁହଁ

ନିର୍ନିମେଷ ଭାବେ ଚାହିଁ ରହିବାକୁ

ଦିନରାତି ହୁଏ ମନ ।

ଭାରି ଇଚ୍ଛା ହୁଏ ଶୁଣିବାକୁ ତୁମ

କାନେ ମିଠା ମିଠା କଥା

ତୁମ ହାତ ଧରି ତୁମ ପଛେ ପଛେ

ଚାଲିବାରେ ଥାଏ ମଜା ।

ପ୍ରବାସ ଜୀବନେ ବିଚ୍ଛେଦ ଯନ୍ତ୍ରଣା

ବିରହ ବିଧୁର ପ୍ରାଣ

ପ୍ରିୟତମା ତୁମେ ରହିଛ ହୃଦୟେ

ସାଥୀ ଜନ୍ମ ଜନ୍ମାନ୍ତର ।